नेपालमा छन् हिउँमा चलाउन उपयुक्त स्नो मोड भएका यी कार (सूचीसहित)

मौसम अब विस्तारै खुल्दै छ । विगत तीन चार दिन यता मौसम निकै चिसो बन्यो । देशका धेरै स्थानमा पानी परेकाले हिउँ समेत प-यो । आन्तरिक पर्यटकहरु हिउँ खेल्नकै लागि धेरै स्थानमा पुगे ।

यही सेरोफेरोमा हिउँमा चलाउनका लागि उपयुक्त कारको चर्चा गर्दा राम्रै होला भन्ने लागेको छ । किनभने हिउँ खेल्न जादा मात्र होइन, हिमाली भेगको सडकमा चलाउनका लागि पनि उपयुक्त गाडी कुन होला भन्ने धेरैको मनमा आउन सक्ने एक प्रश्न हो ।

हिउँमा चलाउनका लागि कार भन्दा पनि महत्वपूर्ण भूमिका टायरको हुन्छ । त्यसैले यस्ता गाडीमा टायर पनि त्यसै अनुसारको हुनुपर्छ । अन्तर्राष्ट्रिय रुपमा कतिपय गाडीमा टायरको पांग्रामा चेन समेत राखेर हिउँमा चलाउनका लागि उपयुक्त बनाइएको हुन्छ ।

अन्तर्राष्ट्रिय रुपमा हेर्दा औडी ए४ अलरोड, फोर्ड ब्रोन्को स्पोर्ट, होन्डा पाइलट, जिप ग्रान्ड चेरोकी, ल्यान्डरोभर डिफेन्डर, ल्यान्डरोभर रेन्जरोभर, सुबारु क्रसट्रेक, सुबारु फोरेस्टर, टोयोटा ¥याभफोर एड्भेन्चर, भल्भो भी६ क्रसकन्ट्री, भल्भो भी९० क्रसकन्ट्री आदि कार हिउँमा समेत चलाउन उपयुक्त कार हुन् ।

नेपाली बजारमा फोर ह्विल ड्राइभ र स्नो मोड भएका धेरै गाडी उपलब्ध छन् । स्नो मोड भएका गाडी हिउँमा समेत चलाउन सहज हुन्छ । केही दिन पहिले मात्र नेपाली बजारमा भित्रिएको किया सोरेन्टो हाइब्रिड र फक्सवागन ट्वारेग आरमा पनि स्नो मोड छ । त्यसैगरी नेपाली बजारमा टोयोटा -याभ फोर र प्राडो, जिप कम्पास, सुजुकी भिटारा, फक्सवागन अलस्पेस, ह्यावल एच६, हुन्डाई क्रेटा आदिमा स्नो मोड छ ।