इलेक्ट्रिक कार ओरा गुड क्याटको सफलतापूर्वक नेपाली सडकमा परीक्षण सम्पन्न

काठमाडौँ – ग्रेटवाल मोटर नेपालले इलेक्ट्रिक गाडी ओरा गुड क्याटको रोड टेस्ट सफलतापूर्वक सम्पन्न गरी नेपाली बजारमा आधिकारिक रुपमा सार्वजनिक गर्न तयार भएको बताएको छ ।

ओरा गुड क्याटले रोड परीक्षणमा विभिन्न भू–भाग र सडकको अवस्थाहरुमा सराहनीय प्रदर्शन गरेको बताइएको छ । चाहे ओरालो होस वा उकालो, कालोपत्रे राजमार्ग होस् वा ग्राभेल भरिएको अप्ठ्यारो बाटो, यो गाडीले सबैतिर उत्तिकै उत्कृष्ट प्रदर्शन गरेको छ । जुन बाटोमा यही सेग्मेन्टका गाडीहरु चलाउन गाह्रो हन्थ्यो, त्यहाँ ओराले ब्याट्रीको स्तर घट्ने तनाब र बिना चालकको सिटमा बसेका व्यक्तिहरुलाई सहज सवारीको अनुभव प्रदान गराएको कम्पनीले बताएको छ ।

ओराको नेपालका लागि आधिकारिक वितरक भीजी इम्पेक्सले जारी गरेको विज्ञप्तिमा भनिएको छ, ‘सबै बाटोमा ओरा गुड क्याटको सुन्दर बनावटले सजिलै मानिसहरुको ध्यान आफू तर्फ तान्यो । अत्याधुनिक प्रविधि र वातावरणीय चेतनाको सन्दर्भमा ग्रेट वाल मोटरलाई अगाडि बढाउन यो पक्ष सबैभन्दा महत्वपूर्ण हुन सक्छ ।’

ओरा गुड क्याट सहर, राजमार्ग र अप्ठ्यारो भू–भागमा पनि ड्राइभिङका लागि उपयुक्त रहेको छ र लामो ड्राइभिङ अनुभव पछि विश्वसनयिता र योग्य कन्फिगरेसनको साथ आफूलाई उत्कृष्ट सावित गरेको छ । यो आफ्नो फेसनेवल उपस्थितिको कारण बाटोमा जोसुकैलाई पनि यस गाडी प्रति जिज्ञासु बनाउन सफल भएको छ ।

ओरा गुड क्याट जर्मनी, अस्ट्रिया, संयुक्त राज्य अमेरिका, जापान र दक्षिण कोरियाका विज्ञहरु सहित कम्पनीका विश्वव्यापी टोलीहरुद्वारा राम्रोसँग डिजाइन र विकास गरिएको हो । यसले रेट्रो फ्युचरिस्टिक डिजाइन र स्मार्ट ड्राइभिङ प्रविधिहरुलाई पूर्ण रुपमा एकिकृत गर्दछ ।

ग्रेटवाल मोटर थाइल्याण्डले मात्रै प्रि–सेल भएको ४८ घण्टाभित्र ओरा गुड क्याटको लागि ६ हजार भन्दा बढी अर्डरहरु प्राप्त गरेको छ । यसै अनुसार नेपाली बजारमा समेत ओरा गुड क्याट राम्रोसँग रुचाइने र ग्राहकहरुको आवश्यकता अनुसारको हुने विश्वास राखेको कम्पनीको भनाइ छ । कम्पनीले भनेको छ, ‘हामी विश्वस्त छौँ की ओरा गुड क्याटले नेपालमा सार्वजनिक भएसँगै नेपाली इलेक्ट्रिक भेइकल इन्डस्ट्रीमा नयाँ दायरा, प्रदर्शन र युवापनमा नयाँ बेन्चमार्क बनाउनेछ ।’

ओरा गुड क्याटपछि ग्रेटवाल मोटर नेपालले २०२२ भित्र ओरा अन्तर्गत थप दुई इलेक्ट्रिक गाडीका भेरिएन्टहरु लन्च गर्ने योजना बनाएको समेत बताएको छ ।