सवारी चालक अनुमति पत्र अर्थात लाइसेन्स हराएमा प्रतिलिपि लिन के गर्ने ? कति शुल्क लाग्छ ?

के तपाईको सवारी चालक अनुमति पत्र हराएको छ ? लामो समय खोजेर पनि पाउनु भएन ? त्यसो हो भने पनि नआत्तिनुस् । निश्चित प्रक्रिया पुरा गरेर प्रतिलिपि लिन सकिन्छ ।

अनुमति पत्र हराएमा, च्यातिएमा, झुत्रो भई नबुझिने भएमा वा कुनै कारणबाट नासिएमा ७ दिन भित्र चालकले सम्बन्धित यातायात व्यवस्था कार्यालयमा अधिकार प्राप्त अधिकारी समक्ष तोकिए बमोजिमको ढाँचमा दरखास्त दिनुपर्छ ।

अनुमति पत्र हराएको हकमा सम्बन्धित ट्राफिक प्रहरी कार्यालयको सिफारिस समेत संलग्न गर्नुपर्छ ।

सबै सवारी साधनका लागि प्रतिलिपि दस्तुर ५ सय रुपैयाँ लाग्ने यातायात व्यवस्था विभागले जनाएको छ ।