केटिएमले लन्च गर्यो २०२२ एड्भेन्चर २५०, मूल्य २ लाख ३५ हजार भारु

केटिएमले आज भारतमा २०२२ एड्भेन्चर २५० लन्च गरेको छ । यो बाइकको मूल्य २ लाख ३५ हजार भारु निर्धारण गरिएको छ । जुन यसअघिकै मोडलमा निर्धारण गरिएको मूल्य हो ।

ओरेन्ज र ब्लु सहित थप दुई कलर अप्सनमा उलब्ध यो बाइकलाई केटिएमले यसअघिको ३९० एड्भेन्चरको फ्रेममा बनाएको हो भने यसको डिजाइन तथा लुक्स केटिएम ४५० -याली डाकार रेसरबाट प्रेरित रहेको छ । पावर र टर्क भने पुरानै मोडलमा उपलब्ध गराइको ३० पिएस र २४ एनएमलाई कायम गरिएको छ ।

यो बाइकमा १० स्टेपमा एड्जस्ट गर्न मिल्ने मोनोसक सस्पेन्सन जडान गरिएको छ । बाइकमा २ सय एमएमको ग्राउन्ड क्लिरियन्स दिएको छ । जसका कारण अफरोडमा यात्रा गर्न सहज हुने दाबी गरिएको छ । १४३० एमएमको लामो ह्विलबेश दिइएको यो बाइकको राइडर सिट साघुँरो बनाइएको छ भने पातलो स्टिल ह्यान्डल बारका कारण राइडरले बाइकलाई सजिलै कन्ट्रोल गर्न सक्नेछन् ।

त्यसैगरी, बोसको इलेक्ट्रोनिक फ्युल इन्जेक्सन, ३८ एमएमको थ्रोटल बडी एसिस्ट, स्लिपर क्लच, एलसिडी डिस्प्ले, डुअल च्यानल एबिएस, १४.५ लिटर क्षमताको फ्युल ट्यांक, अगाडीको चक्कामा १९ इन्च र पछाडी २२ इन्चको ट्युवलेस टायरको साथै अगाडी चक्कामा ३२० एमएम र पछाडी २३० एमएमको डिस्क ब्रेक लगायत अन्य थुप्रै फिचर्स दिइएको छ ।