सुजुकी मोटरसाइकल र स्कुटर : तीन मोडलमा २ हजार र एक मोडलमा ७ हजार रुपैयाँ बढ्यो मूल्य

काठमाडौं – नेपाली बजारमा सुजुकी मोटरसाइकल र स्कुटरको केही मोडलमा मूल्य वृद्धि गरिएको छ । नेपालका लागि आधिकारिक वितरक भीजी अटोमोबाइल्सले आजै देखि लागू हुने गरी यो मूल्य वृद्धि गरेको हो ।

आज प्रकाशित मूल्य सूची अनुसार सुजुकीको बर्गम्यान डिस्क बीएस४ र बीएस६ तथा सुजुकी एक्सेस बीएस६ स्कुटरमा २/२ हजारको दरले मूल्य वृद्धि गरिएको छ भने सुजुकी जिक्सर १५०एफआई (नेकेड) मोटरसाइकलको मूल्य ७ हजार रुपैयाँको दरले बढेको छ । यी सबै मोडल नेपालमा राम्रो बिक्री हुने मोडलमा पर्छन् ।

नयाँ मूल्य सूची अनुसार सुजुकी बर्गम्यान डिस्क बीएस४ को मूल्य २ लाख ४७ हजार ९ सय, बर्गम्यान डिस्क बीएस६ को मूल्य २ लाख ७६ हजार ९ सय र सुजुकी एक्सेस बीएस६ को मूल्य २ लाख ६५ हजार ९ सय रुपैयाँ छ । त्यसैगरी सुजुकी जिक्सर १५०एफआई (नेकेड) मोटरसाइकलको मूल्य ३ लाख ५६ हजार ९ सय रुपैयाँ छ ।

नेपाली बजारमा उपलब्ध सुजुकी मोटरसाइकल तथा स्कुटर र तिनको परिमार्जित मूल्य सूची यस प्रकार छ :