टाटा कमर्सियल गाडीका लागि पुस १६ सम्म विन्टर सर्भिस क्याम्प

काठमाडौं – टाटा मोटर्सको नेपालका लागि आधिकारिक वितरक सिप्रदी ट्रेडिङ प्रालिले विन्टर सर्भिस क्याम्प प्रारम्भ गरेको छ । पुस १ देखि देखि सञ्चालनमा आएको विन्टर सर्भिस क्याम्प अन्तर्गत स्पेयर पार्ट्स, सर्भिसिङ तथा लुब्रिकेन्ट्स लगायतमा आकर्षक छुट पाइने भएको छ ।

कम्पनीले टाटाका गाडीका स्पेयर पार्ट्समा १० प्रतिशत छुटका साथै ६ महिनाको वारेन्टी दिने भएको छ । यस्तै लुब्रिकेन्ट्स अन्तर्गत टाटाको जेन्युइन आयल अर्थात इन्जिन, गियर र क्राउन आयलमा १५ प्रतिशत छुट पाइने भएको छ । हाउजिङ आयल, ब्रेक आयल, क्लच आयल, स्टेयरिङ आयल, कुलेन्ट, डीईएफमा २० प्रतिशत छुट दिने सिप्रदीले जनाएको छ ।

इन्जिनको हेल्थ चेकअप तथा एफआईपी, इलेक्ट्रिकल, सफ्टवेयर र ब्याट्रीको जाँच भने निःशुल्क गरिने भएको छ । साथै जाडो महिनामा गाडीको सुरक्षा कसरी गर्ने भन्नेबारे डिजिटल प्लेटफर्ममार्फत जानकारी गराइने कार्यक्रम रहेको कम्पनीले जनाएको छ । यो योजना आउँदो पुस १६ गतेसम्म सञ्चालन हुने भएको छ ।