आज किया क्यारेन्सको ग्लोबल डेब्यु हुँदै, यस्तो हुन सक्छ ५ सम्भावित मुख्य विशेषता

दक्षिण कोरियाली कार निर्माता कम्पनी किया इन्डियाले आज भारतीय लाइनअपमा चौथो कार किया क्यारेन्स लन्च गर्दैछ । किया क्यारेन्स हुन्डाई अल्काजारको प्लेटफर्ममा आधारित एसयूभी हो । यद्यपि यो एसयूभी हो कि एमपीभी हो भन्ने जानकारी अझै खुल्न सकेको छैन ।

किया इन्डियाले सो कार लन्चिङ भन्दा पहिला कारको केही स्केच तस्विर जारी गरेको छ । यसका आधारमा उक्त कारमा यी विशेषता हुने बताइएको छ ।

भारतमा कियाको नयाँ डिजाइन
किया क्यारेन्स लन्च गरेसँगै भारतमा कियाको नयाँ ’अपोजिट्स युनाइटेड’ डिजाइन भारतमा प्रस्तुत हुनेछ । यसमा टाइगर नोज ग्रिलको स्लिकर भर्सन प्रदान गरिने छ, जुन फंकी डीआरएलको साथमा स्लिक एलईडी हेडल्याम्पले घेरिएको छ ।

यसको साथै कारमा बडीको चारैतिर बडी क्लेडिङ जडान गरिएको छ, जसले यो कारलाई रफ र टफ लुक दिन्छ । हालसालै सार्वजनिक भएका केही टिजर तस्बिरमा एलईडी टेल ल्याम्पको कनेक्टेड सेट पनि देखाइएको छ ।

प्रिमियम इन्टेरियर
कम्पनीले किया क्यारेन्सलाई किया सेल्टोस भन्दा फरक बनाउनका लागि अनौठो इन्टेरियर समावेश गरेको छ । कारमा १०.२५ इन्चको टचस्क्रिन इन्फोटेनमेन्ट सिस्टम फ्लोटिङ युनिटको सट्टा ड्यासबोर्डमा राखिएको छ ।

क्याबिनलाई अपमार्केट वातावरण दिन चारैतिर विभिन्न प्लास्टिक बनावटहरू प्रयोग गरिएको छ । किया क्यारेन्समा क्याप्टेन सिट सहितको ६ सिट र बीचको रोमा ७ सिटर पेश गरिएको छ ।

फिचर
किया क्यारेन्समा डिजिटल ड्राइभर डिस्प्ले, यूभीओ कनेक्टेड कार टेक, एन्ड्रोइड अटो र एप्पल कारप्ले, वायरलेस फोन चार्जर, बोस साउन्ड सिस्टम, एम्बियन्ट लाइटिङ र पानोरामिक सनरुफ जस्ता फिचर समावेश गरिएको छ ।

यसको साथै कारमा पावर ड्राइभर सिटको फिचर पनि दिइएको छ । सेफ्टी फिचरमा एयरब्याग, ईबीडीको साथमा एबीएस, फ्रन्ट र रियर पार्किङ सेन्सर, ३६० डिग्री क्यामेरा, ब्लाइन्ड स्पट मोनिटर र इलेक्ट्रोनिक स्टेबिलिटी कन्ट्रोल जस्ता फिचर समावेश गरिएको छ ।

हुन्डाई अल्काजारको इन्जिन समावेश हुने
किया क्यारेन्समा हुन्डाई अल्काजारको २ लिटर पेट्रोल र १.५ लिटर डिजेल इन्जिन जडान गरिएको छ । पेट्रोल इन्जिनले १५९ बीएचपी पावर दिन्छ भने डिजेल इन्जिनले ११५ बीएचपी पावर दिन्छ ।

यसको दुबै इन्जिन ६ स्पिड म्यानुअल र ६ स्पिड टर्क कन्भर्टर अटोमेटिक गियरबक्सको विकल्पमा उपलब्ध रहेको छ । यसको १.५ लिटर नेचुरली एस्पिरेटेड पेट्रोल इन्जिन बेस–स्पेक भेरिएन्टको लागि दिन सकिन्छ, जसले ११५ बीएचपीको पावर प्रदान गर्छ ।

मूल्य र प्रतिस्पर्धा
अनुमानित रिपोर्ट अनुसार सो कार २०२२ को सुरुवातमा बिक्रीमा जाने अपेक्षा गरिएको छ । कारको मूल्य लगभग १५ लाख भारु हुने अनुमान छ । यसले हुन्डाई अल्काजार, टाटा सफारी, महिन्द्रा एक्सयूभी ७०० र एमजी हेक्टर प्लससँग प्रतिस्पर्धा गर्नेछ ।