डुकाटीको अफरोडर बाइक डेजर्टएक्सको ग्लोबल प्रिमियर : २१ लिटरको ट्यांकी, २०२ केजी तौल

इटालीको प्रसिद्ध कम्पनी डुकाटीले दुबईको बुर्ज खलिफामा भइरहेको यस वर्षको डुकाटी वर्ल्ड प्रिमियरमा २०२२ डुकाटी डेजर्टएक्स सार्वजनिक गरेको छ । कम्पनीले यो नयाँ मोडल विशेषगरी अफ–रोडको लागि डिजाइन गरिएको बताएको छ । नयाँ डुकाटी डेजर्टएक्स कम्पनीको -याली बाइकको रुपमा प्रस्तुत गरिएको छ । सो बाइक डुकाटीको आइकोनिक बाइकबाट प्रेरित भएको देखिन्छ, जुन १९९० को दशकमा ¥याली रेडमा देखाइएको थियो ।

इन्जिन र पावर
नयाँ डेजर्टएक्स लामो दुरीको यात्राका लागि विकसित गर गरिएको छ । २०२२ डुकाटी डेजर्टएक्समा डुकाटीको नयाँ डेजर्टएक्स वाटर–कूल्ड ९३७ सीसी डेस्मोड्रोमिक ११ डिग्री टेस्टाट्रेटा लिक्विड–कुल्ड भी ट्वीन इन्जिन समावेश गरिएको छ । सो इन्जिनले ९२५० आरपीएममा १०८ बीएचपीको पावर र ६५०० आरपीएममा ९२ एनएमको टर्क जेनेरेट गर्छ ।

सस्पेन्सन र टायर
डुकाटी डेजर्टएक्समा २१ इन्च फ्रन्ट र १८ इन्च रियर वायर स्पोक ह्वील जडान गरिएको छ । बाइकमा पिरेली स्कार्पियन ¥याली एसटीआर टायर उपलब्ध छ । बाइकको फ्रन्टमा ४६ एमएमको यूएसडी कायाबा फोर्क र रियरमा कायाबा मोनो–सक प्रयोग गरेको छ । बाइकको सम्पूर्ण सस्पेन्सन सेटअप कम्प्रेसन, रिबाउन्ड र प्रिलोडका लागि समायोजन गर्न सकिन्छ ।

फिचर
डेजर्टएक्समा ६ राइडिङ मोड, ४ पावर मोड, इन्जिन ब्रेक कन्ट्रोल, ट्रयाक्सन कन्ट्रोल, ह्विली कन्ट्रोल, कर्नरिङ एबीएस र बाई डाइरेक्शनल क्विक शिफ्टर जस्ता फिचर उपलब्ध छ । बाइकमा फुल एलईडी लाइटिङ र ५ इन्चको टीएफटी डिस्प्ले पनि छ ।

अन्य स्पेसिफिकेशन
डुकाटी डेजर्टएक्सको ग्राउन्ड क्लियरेन्स २५० एमएम छ । सिटको उचाइ ८७५ एमएम छ । यसमा तल्लो सिट पनि सहायकको रूपमा उपलब्ध छ । बाइकमा २१ लिटरको इन्धन ट्यांकी छ । डेजर्टएक्सको कुल वजन २०२ किलोग्राम छ ।