टाटा स्कुल बस चेकअप क्याम्प शुरु, स्पेयर पार्टसमा छुटदेखी निशुल्क चेकअपको सुबिधा

टाटा मोटर्सको नेपालका लागि आधिकारिक बितरक सिप्रदी ट्रेडिङ प्रालिले स्कुल बसलाई लक्षित गरी चेकअप क्याम्पको शुरुवात गरेको छ । हिजो कात्तिक२९ गतेदेखी शुरु भएको उक्त क्याम्प मंसिर १४ गतेसम्म सञ्चालन हुने जनाइएको छ ।

उक्त क्याम्प अन्तर्गत सिप्रद्धीको आधिकारिक सर्भिस सेन्टरहरुमा यस्ता बसको सर्भिसिङ गराउँदा ग्राहकले टाटा जेन्युइन पार्टसमा ८ प्रतिशत छुटको साथै ६ महिना वारेन्टि समेत पाउनेछन् । त्यसैगरी ब्रेक आइटम र लुब्रिकेन्ट्समा १५ प्रतिशत र स्टेयरिङ आयल, ब्रेक आयल, क्लच आयल र कुलेन्टमा २० प्रतिशत छुट प्राप्त गर्न सकिने जनाइएको छ । यो चेकअप क्याम्पमा स्कुल बसको १५ प्वाइन्ट निशुल्क चेकअप गरिनुको साथै इलेक्ट्रिकल पार्टस् र ब्याट्रीको समेत निशुल्क चेकअप गरिनेछ ।

कोरोना महामारीका कारण लामो समयसम्म स्कुलबसहरु थन्किएर बस्नु परेको र हाल शैक्षिक संस्थाहरु सञ्चालन हुन थालेपछि कम्पनीले आफ्ना ग्राहकलाई सुबिधा दिन यस्तो क्याम्पको आयोजना गरेको हो ।