विहान १० देखि साँझ ५ बजे सम्म ड्राइभिङ लाइसेन्सको अनलाइन आवेदन भर्न नसकिने

काठमाडौ- । लामो समयको बन्दपछि खुलेको सवारी चालक अनुमतिपत्रको अनलाइन आवेदन आंशिकरुपमा मात्रै खुल्ने भएको छ ।

यातायात व्यवस्था विभागले आवेदकको चाप उच्च हुँदा सिस्टममा समस्या भएपछि विहान १० बजेदेखि साँझ ५ बजेसम्म सिस्टमनै बन्द गर्ने भएको हो ।

विभागले आवेदकको चाप बढ्दा कार्यालयको काममा चाप परेको दाबी गरेको छ । यस अनुसार अब विहान १० देखि साँझ ५ बजे सम्म ड्राइभिङ लाइसेन्सको अनलाइन आवेदन भर्न सकिने छैन ।