टोयोटाले सार्वजनिक ग-यो पहिलो अल–इलेक्ट्रिक एसयूभी बीजेड४एक्स, ५०० किमी रेन्ज दिने

टोयोटाले पहिलो अल–इलेक्ट्रिक एसयूभी सार्वजनिक गरेको छ । जसलाई बीजेड४एक्स (bZ4X) भनिएको छ । यो कम्पनीको बीजेड सिरिजको पहिलो मोडल हो । यसमा बिजेड नामको अर्थ बियोन्ड जिरो हो ।

टोयोटा बीजेड४एक्सको लागि ईभी प्लेटफर्मको रुपमा सुबारु कर्पोरेसनसँगको सहकार्य गरेको छ । इलेक्ट्रिक एसयूभीलाई अफ–रोड क्षमताका साथ सुसज्जित गर्ने लक्ष्यका साथ यसको विकास गरिएको हो । कम्पनीले धेरै वर्षसम्म सुरक्षित र सजिलैसँग चलाउन सकिने इलेक्ट्रिक ब्याट्री निर्माण गर्न चाहेको सन्दशे समेत दिएको छ ।

नयाँ ईभीमा ७१.४ केडब्ल्युएचको ब्याट्री प्याक समावेश गरिने छ । यसमा जडान गरिएको ब्याट्री फ्रन्ट ह्विल ड्राइभ भेरिएन्टको लागि ५०० किमी र अल ह्विल ड्राइभ भेरिएन्टको लागि लगभग ४६० किमी रेन्ज दिने दाबी गरिएको छ । फ्रन्ट ह्विल ड्राइभ भेरिएन्ट सिंगल चार्जमा १५० किलोवाटको मोटर स्पोर्ट गर्छ । अल ह्विल ड्राइभको लागि प्रत्येक एक्सलमा ८० किलोवाटको मोटर समावेश गरिएको छ ।

टोयोटाको यो ईभी विश्वभर हाई आउटपुट चार्जरको साथ आउने र १५० किलोवाटको डाइरेक्ट करेन्ट क्षमताको साथ ३० मिनेटमा ८० प्रतिशतसम्म चार्ज गर्न सकिने उल्लेख गरिएको छ ।

नयाँ टोयोटा बीजेड४एक्स ईभी एक मध्यम आकारको एसयूभी हो । इन्टेरियरका लागि ग्राहक रेगुलर शेपको स्टेयरिङ ह्विलको साथै विंग आकारको स्टेयरिङको बीच स्टेयरिङ बाई वायर सिस्टमको छनौट गर्न स्वतन्त्र हुनेछन् । कम्पनीले आउँदो सन् २०२५ सम्ममा ७ अन्य बीजेड मोडल ल्याउने गर्ने योजना बनाएको छ । टोयोटाले सन् २०२२ को मध्यमा बीजेड४एक्स लन्च गर्ने योजना बनाएको छ ।