सेल्टोस र सोनेटको सफलताबाट उत्साहित कियाले भारतमा थप ४ वटा नयाँ मोडल थप्ने

भारतमा प्लान्ट स्थापना गरेर सवारीसाधन उत्पादन थालेको कोरियाली ब्रान्ड कियाले छोटो समय अबधीमै सोचेभन्दा राम्रो सफलता हात पार्दै लगेको छ । सन् २०१९ मा मिड साइज एसयुभी सेल्टोसमार्फत भारतीय बजारमा उपस्थिती जनाउन थालेको कियाले लगत्तै सब फोर मिटर एसयुभी सोनेट र एमपिभी सेग्मेन्टको कार्निभल लन्च गर्यो । भारतीय बजारमा अहिले यी ३ वटै मोडलले उत्साहप्रद कारोबार गरिरहेको छ भने नेपालमा समेत सेल्टोस र सोनेट निकै लोकप्रिय बनिरहेका छन् ।

उत्पादन थालेको पहिलो चरणका सबै मोडलले सफलता हात पारेर उत्साहित बनेको कियाले अबको २ बर्षभित्र थप ४ वटा मोडललाई बजारमा उतार्ने उद्घोष गरेको छ । उसले इन्ट्रि लेबलको एमपिभी सहित थप ३ वटा मोडलका इलेक्ट्रिक कारलाई भारतमा सार्बजनिक गर्न लागेको होे । जसमध्ये एमपिभीको कोड नेम केवाई राखिएको छ भने इलेक्ट्रिक कारहरु इभी६, निरो र अर्को बिल्कुलै नयाँ मोडलको कार हुने बताइएको छ ।

कियाले केवाईलाई सेल्टोसको प्लेटफर्मममा उत्पादन थालिसकेको छ । यो कार आगामी बर्षको सुरुवातमै सार्बजनिक भैसक्ने उसले जनाएको छ । १.५ लिटर पेट्रोल र १.५ लिटरकै टर्बो डिजेल अप्सनमा उपलब्ध हुने यो एमपिभी म्यानुअल र अटोमेटिक ट्रान्समिसनमा उपलब्ध हुनेछ ।
त्यसैगरी अन्तराष्ट्रिय बजारमा अघिल्लो बर्षमात्र सार्बजनिक गरिएको नयाँ इलेक्ट्रिक कार इभी६ र चर्चित इभी निरोलाई समेत सार्बजनिक गर्ने कियाले तयारी थालेको छ । यी कार अन्तराष्ट्रिय बजारबाट आयत गरी ल्यााइनेछ । त्यसैगरी कम मूल्यको अर्को ब्रान्ड न्यू इलेक्ट्रिक कारलाई भने भारतमै उत्पादन थाल्ने किया मोटर्सले जनाएको छ ।

भारतीय बजारमा सार्बजनिक भएको केही समयपछि यसको केवाई एमपिभी नेपाल भित्रिन सक्नेछ भने किया निरो २ बर्षअघि देखिनै नेपालमा कारोबार भैरहेको छ । त्यसैगरी इभी६ लाई समेत जतिसक्दो चाँडो नेपाल भित्राउन आफूहरु आतुर रहेको आधिकारिक बितरक कन्टिनेन्टल इन्टरप्राइजेज स्रोतले जनाएको छ । संभबत इभी६ समेत भरातमा भन्दा पहिले नेपाल आउन सक्ने देखिएको छ ।