भनेकै समयमा पाइदैनन् यी कार, किन्नका लागि लामो समय प्रतीक्षा गर्नु पर्ने

फेस्टिभ सिजन सुरु भइसकेको छ । वर्षको अन्य दिनभन्दा यो सिजनमा अटोमोबाइल क्षेत्रमा चहलपहल बढी हुने गर्छ । यो समयमा कारको माग र बिक्री बढी हुन्छ । यही कारणले गर्दा यो सिजनमा कार खरिद गर्दा लामो समयसम्म प्रतीक्षा गर्नु पर्ने हुन्छ ।

भारतमा अन्य कारका साथै मिडसाइज एसयूभी सेगमेन्टका केही कारको लागि वषौं दिनसम्म पनि प्रतीक्षा गर्नु पर्ने हुन्छ । भारतीय उत्पादक कम्पनीका कार नेपालमा पनि रुचाइने भएकाले यसको प्रत्यक्ष असर नेपाली बजारमा पनि पर्ने गरेको छ । नेपालमा पनि यी कार किन्नेहरुले लामो समय प्रतीक्षा गर्नु पर्ने आवश्यकता छ ।

हुन्डाई क्रेटा
हुन्डाई क्रेटा आफ्नो सेगमेन्टमा सबैभन्दा लोकप्रिय कार हो । सो कारको केही भेरिएन्ट खरिद गर्दा ८ देखि १० महिनासम्मको लागि प्रतीक्षा गर्नुपर्छ । अर्थात हालको अवस्थामा कार बुकिङ गरेको ८ देखि १० महिना पछि मात्र डेलिभरी सुरु हुन्छ ।

महिन्द्रा एक्सयूभी७००
महिन्द्राले केही समय पहिला यो कार सार्वजनिक गरेको थियो । सो कार भारतीय ग्राहकले निकै मनपराएका थिए । हाल सो कार खरिद गर्दा १ वर्षको प्रतीक्षा गर्नुपर्ने छ ।

६ महिनासम्मको प्रतीक्षा
सानो एसयूभी स्पेसमा निसान म्याग्नाइट र किया सोनेट जस्ता कारको लागि ५ देखि ६ महिनाको प्रतीक्षा गर्नुपर्छ । दुबै कार भारतमा निकै चर्चित छन् । यी दुबै कार भारतमा राम्रो बिक्री हुन सफल भएको छ ।

प्रतीक्षा गर्नपर्नुको कारण
यी सबै कार निकै लोकप्रिय कार हुन् । जसले गर्दा यसको माग पनि बढ्नु स्वाभाविकै हो । यसको साथै सेमीकन्डक्टर चिपको ग्लोबल सप्लाई अभावको कारणले पनि डेलिभरीमा ढिलाई भएको हो । सो कारको लागि लामोसम्म प्रतीक्षा गर्नु पर्ने बाध्यता छ ।

नेपालमा प्रभाव
नेपालमा पनि धेरै कम्पनीका कार भनेकै समयमा उपलब्ध हुँदैनन् । फेस्टिभ सिजनको समयमा तत्कालै कार चाहनेहरुले अहिले नै यी कार प्राप्त गर्न सक्दैनन् । हुन्डाई क्रेटाका विभिन्न भेरिएन्टका साथै निसान म्याग्नाइट, किया सोनेट, सुजुकी ब्रेजा आदि कारको लागि लामो समय प्रतीक्षा गर्नु पर्ने अवस्था छ ।