घटस्थापनाको अवसरमा टाटा मोटर्सद्वारा अल्ट्रोज बीएस६ एक्सएम प्लस नेपालमा सार्वजनिक

काठमाडौ – टाटा मोटर्सले आफ्नो प्रिमियम ह्याचब्याक टाटा अल्ट्रोज बीएस६ को एक्सएम प्लस भेरिएन्ट जेपालमा लन्च गरेको छ । नेपाली मूल्य ३५ लाख ९६ हजार पर्ने एक्सएम प्लस भेरिएन्टमा एप्पल कार प्ले र एन्ड्रोइड अटो कनेक्टिभिटी तथा १७.७८ सेमी टचस्क्रिन इन्फोटेन्मेन्टले ड्राइभिङको बेला ढुक्क र एडभान्स अनुभूति दिन्छन् ।

स्टेयरिङ माउन्टेड कन्ट्रोल, भ्वाइस कमान्ड रिकग्निसन, स्टाइलाइज्ड ह्वील कभर र आर–१६ ह्वील र रिमोट फोल्डेबल चाबी आदि यसमा भएका थप विशेषता हुन् । यी सबै सुविधाले ग्राहकलाई ड्राइभिङमा थप आनन्द दिन्छन् । कुनै पनि गाडीको क्वालिटीमा मात्रै होइन, लुक्समा ग्राहकको पूरापूर ध्यान गइरहेको हुन्छ । गाडीको लुक्सलाई स्ट्रक्चरले मात्रै होइन, रङले पनि फरक पार्छ । अल्ट्रोजको एक्सएम प्लस भेरिएन्ट हाई स्ट्रिट गोल्ड, डाउनटाउन रेड, एभेन्यु ह्वाइट र मिडटाउन ग्रे गरी चार रङमा उपलब्ध हुनेछ । यस्तो विकल्पले ‘चुजी’ ग्राहकसमेत आकर्षित गर्ने कम्पनीको भनाइ छ ।

पेट्रोल पावरट्रेनमा उपलब्ध यो भेरिएन्टमा ग्राहकले साधारणतया प्रिमियम भेरिएन्टमा मात्रै उपलब्ध हुने सुविधासमेत अल्ट्रोजको एक्सएम प्लसमा पाउनेछन् ।

सेप्टेम्बर २०२० मा लन्च गरिएको अल्ट्रोजले नेपालको प्रिमियम ह्याचब्याक बजारमा राम्रोस“ग सबैको ध्यान खिचेको छ । त्यसपछि यस गाडीको स्टालिइस डिजाइन र सुगमतालाई सराहना गरिएको छ । र, सुरक्षाको श्रेणीमा यो सर्वश्रेष्ठ रहेकाले गाडी पारखीहरूद्वारा काफी प्रशंसा गरिएको कम्पनीले बताएको छ । अल्ट्रोजले नेसनल लन्चको बेलामै प्राप्त गरेको पाचतारे ग्लोबल एनसीएपी एडल्ट रेटिङ यसको सुरक्षाको बलियो प्रमाण बन्न पुगेको छ ।

अल्ट्रोज स्पोर्ट्स टाटा मोटर्सको इम्प्याक्ट डिजाइन २.० मा आधारित छ । र, यो अल्फा आर्किटेक्चरमा विकास गरिएको कम्पनीको पहिलो सवारी साधन पनि होे ।

आज सार्वजनिक गरिएको अल्ट्रोजको यो भेरिएन्ट घटस्थापनाकै दिन बुकिङ गर्नेका लागि १ लाख रुपैया छुटमा उपलब्ध गराइने बताइएको छ ।