होन्डा फेस्टिभ बोनान्जा : हरेक १५ दिनमा साढे तीनलाख जित्ने मौका

काठमाडौं – नेपालका लागि होन्डा कारको आधिकारिक बिक्रेता स्याकार ट्रेडिङ कम्पनी प्रालिले नेपालीहरुको महान चाड दशैं, तिहार र छठलाई लक्ष्ति गर्दै “होन्डाको फेस्टिभ बोनान्जा” ल्याएको छ ।

उक्त खुसीको उत्सवमा नयाँ होन्डा कार खरिद गर्ने ग्राहकहरुले हात खाली नजाने गरी २ लाखसम्मको नगद छुट, १ वर्षसम्मको लागि फ्रि इन्स्योरेन्स, १ वर्षसम्मको लागि फ्रि रोड ट्याक्स, ३ वर्षसम्मको लागि फ्रि सर्भिसिङ, ३ वर्षसम्मको लागि स्पेयर पार्ट्समा ७ प्रतिशतको छुटका साथै अन्य धेरै फ्रि आकर्षक उपहार प्राप्त गर्न सक्ने छन् ।

यसका साथै हरेक १५ दिनमा एक जना भाग्यशाली ग्राहकले ३ लाख ५० हजार सम्मको क्यास ब्याक जित्न सक्ने छन् । यो योजना होन्डाको सबै कारमा सीमित अवधिका लागि मात्र लागू हुने कम्पनीको भनाइ छ ।