फ्युचरिकम ट्रकले बनायो वर्ल्ड रेकर्ड, सिंगल चार्जमा १०९९ किमीको रेन्ज प्रदान

जर्मन डेलिभरी कम्पनी ‘डीपीडी’ को इलेक्ट्रिक ट्रक फ्युचरिकमले फुल चार्जमा सबैभन्दा लामो दूरी रेन्ज प्रदानको लागि विश्व कीर्तिमान बनाएको छ । दुई ड्राइभरले यसलाई सिंगल चार्जमा १०९९ किमीसम्म चलाएका थिए ।

अटोमोटिभ दिग्गज कन्टिनेन्टलको मदतले जर्मन डेलिभरी कम्पनी डीपीडीले सो ट्रक निर्माण गरेको हो । उक्त ट्रकलाई एउटा बन्द परीक्षण ट्रयाकमा १०९९ किलोमिटर चलाइएको थियो । यसको लागि २३ घन्टा समय लागेको थियो । जसमा दुई ड्राइभरलाई ४.५ घन्टाको सिफ्ट स्विच गरेको थियो । जसको औसत गति ५० किमी प्रतिघन्टा थियो ।

उक्त ट्रक निर्माता कम्पनी स्विट्जरल्याण्डको हो, जसलाई फ्युचरिकम भनिन्छ । यो भल्वो ट्रक च्यासिसको साथै ईभी चार्जर तथा ब्याट्री प्याकमा आधारित इलेक्ट्रिक ट्रक निर्माणमा माहिर छ । कम्पनीको आधिकारिक वेबसाइटमा सो ट्रक सिंगल चार्जमा ७६० किमीको अधिकतम ड्राइभिङ रेन्ज दिने जानकारी साझा गरेको थियो । तर, रेकर्ड तोड्ने फ्युचरिकम लाजिस्टिक्स १८ ई ट्रकले अनुमान भन्दा बढी नै रेन्ज प्रदान गरेको थियो ।

यद्यपि यो परीक्षण प्रोफेसनल ड्राइभरको लागि मात्र सम्भव थियो, जसले ट्रकको आवश्यक दायरा प्रदान ग¥यो र १०९९ किलोमिटरसम्म चलाउन सक्षम रह्यो । ट्रकमा प्रसिद्ध कम्पनी कन्टिनेन्टलको विशेष टायरको उपयोग गरिएको थियो र ट्रक पुरै अनलोड गरिएको थियो । यसैले यसको तौल १५.५ टन र अधिकतम रेटेड पेलोड ६.६ टन थियो । परीक्षण पछि ट्रकको बिजुली खपत ५२ केडब्ल्यु÷१०० किमी थियो र ट्रक कन्टिड्रोम राउन्ड ट्रयाकको कुल ३९२ राउन्ड पूरा गरेको थियो ।

सो ट्रक परीक्षणको समयमा निकै तीव्र हावा चलिरहेको थियो र बाहिरको तापमान १४ डिग्री सेल्सियस थियो । ट्रक यस बर्षको मेमा सक्रिय सेवामा प्रवेश गरेको थियो र हालसम्म १२०३३ किलोमिटरसम्मको दुरी कभर गरिसकेको छ । यसको औसत पावर कन्जम्सन १०६.८ केडब्ल्यु÷१०० किमी थियो ।