टाटा पन्च एसयूभीमा महँगो कारको फिचर समावेश भएको खुलासा

टाटा मोटर्सले बहुप्रतीक्षित पन्च सब कम्प्याक्ट एसयूभीको टिजर भिडियो जारी गरेको छ । नयाँ टिजर भिडियोमा टाटा पन्च ड्राइभ मोडले सुसज्जित रहेको जानकारी दिइएको छ । टिजरमा मल्टिपल मोड र मल्टिपल टेरेन्स लेखिएको छ ।

यद्यपि कम्पनीले सो कारको ड्राइभ मोडको बारेमा कुनै विवरण खुलाएको छैन । यसमा नेक्सन कम्प्याक्ट एसयूभीको ड्राइभ मोड उपलब्ध हुने अनुमान गरिएको छ । टाटा नेक्सन ३ ड्राइभ मोड – स्पोर्ट, सिटी र इकोमा उपलब्ध रहेको छ । इको ड्राइभ मोड हाई इन्धन दक्षता प्रदान गर्नको लागि थ्रोटल प्रतिक्रिया नियन्त्रण ड्राइभिङको लागि समायोजित गरिएको दाबी गरिएको छ ।

स्पोर्ट ड्राइभ मोडले स्पोर्टी ड्राइभिङ प्रदान गर्छ किनकि यसमा थ्रोटल प्रतिक्रियाको पूर्ण क्षमताको उपयोग गर्छ । सिटी ड्राइभ मोड राम्रो दक्षताको साथमा परफर्मेन्स गर्छ । टियागो र टिगोर बीएस४ एडिसनमा पनि यी ड्राइभ मोड सुसज्जित थिए तर टाटा बीएस६ अनुरूप एडिसनको साथमा सो मोड हटाइएको छ ।

टिजर अनुसार टाटा पन्च माइक्रो एसयूभीले पूर्ण सुरक्षा प्रदान गर्नेछ । नयाँ सब–कम्प्याक्ट एसयूभी नयाँ अल्फा मोड्युलर प्लेटफर्ममा आधारित हुनेछ । अल्ट्रोजले ग्लोबल एनक्याप क्र्यास टेस्टमामा ५–स्टार सुरक्षा रेटिङ पाएको थियो र पन्चमा जस्तै सुरक्षा मापदण्डहरु प्रदान गर्ने आशा गरिएको छ ।

नयाँ मोडलमा डुअल फ्रन्ट एयरब्याग, रियर पार्किङ सेन्सर, कर्नरिङ स्टेबिलिटी कन्ट्रोल, एबीएसको साथमा ईबीडी, सिट बेल्ट रिमाइन्डर आदि जस्ता फिचर स्ट्यान्डर्डको रुपमा हुने अपेक्षा गरिएको छ । टप भेरिएन्टमा रियर पार्किङ क्यामेरा उपलब्ध हुनेछ । हिल डिसेन्ट कन्ट्रोल र हिल स्टार्ट असिस्ट फिचर पनि उपलब्ध हुनेछ ।

टाटा पन्च दुई इन्जिन विकल्पमा पेश गर्ने सम्भावना रहेको छ । यसमा १.२ लिटर ३ सिलिन्डर नेचुरली एस्पिरेटेड पेट्रोल र १.२ लिटर टर्बोचाज्र्ड पेट्रोल इन्जिन समावेश रहेको छ । ट्रान्समिसन विकल्पको रुपमा ५ स्पिड म्यानुअल र एएमटी युनिट सम्मिलित हुने सम्भावना रहेको छ । माइक्रो एसयूभीमा ड्राइभ मोड पनि हुनेछ ।