फर्स्ट इन क्लास राइडिङ मोडसहित सार्वजनिक हुँदै बीएस६ अपाचे आरटीआर २०० फोरभी

काठमाडौं – नेपालका लागि टीभीएसको आधिकारिक वितरक जगदम्बा मोटर्सले भोलि बिहीबार बीएस६ इन्जिन सहितको टीभीएस अपाचे आरटीआर २०० फोरभी सार्वजनिक गर्ने भएको छ । होटल द सोल्टी काठमाडौंमा आयोजना हुने उक्त सार्वजनिक कार्यक्रम टीभीएस नेपालको फेसबुक, युट्युब, इन्स्टाग्राम पेजलगायत अन्य विभिन्न डिजिटल माध्यमबाट गरिने भएको छ ।

टीभीएस अपाचे आरटीआर २०० फोरभीमा ठाउँ, सडक र मौसम अनुसार राइडिङ मोड परिवर्तन गर्न मिल्ने अत्याधुनिक फिचर्स रहेको छ । यसको सिस्टममा स्पोर्ट, अर्बान र रेन मोड गरेर तीन वटा मोडहरु रहेका छन् जसलाई चालकले सहजता र परिस्थितिको आधारमा मोटरसाइकल कुदाउँदा खेरि परिवर्तन गर्न सक्नेछन् । यस फिचर्सले चालकको राइडिङ अनुभवलाई थप सहज र सुरक्षित गर्ने देखिन्छ ।

यसैगरी यस मोटरसाइकलको अर्को सशक्त पक्ष भनेको आरटीएफआई टेक्नोलोजीयुक्त बीएस६ कम्प्लायन्ट इन्जिन रहेको छ । अटोमोबाइल जगतमा आरटीएफआई अर्थात रेस ट्युन्ड फ्युल इनजेक्सन टेक्नोलोजीलाई निकै नै उत्कृष्ट मानिन्छ । यसैगरी बीएस६ कम्प्लायन्ट इन्जिन सहितको अपाचे आरटीआर नेपाली मोटरसाइकलप्रेमीले धेरै पहिला देखि नै प्रतीक्षा गरिरहेको पाइन्छ ।

यस आरटीएफआई टेक्नोलोजीयुक्त बीएस६ कम्प्लायन्ट इन्जिन अरु कार्बोरेटर इन्जिन भन्दा एकदमै शक्तिशाली रहेको छ, जसले मोटरसाइकलको शक्ति र आयु दुवैलाई बढावा दिएको छ । यसले टीभीएसको रेसिङ डीएनएको इतिहासलाई थप नयाँ उचाइमा पुर्याएको कम्पनीको भनाइ छ ।

यसैगरी यस मोटरसाइकलमा बिल्कुलै पहिलो पटक फर्स्ट इन सेग्मेन्ट एडजस्टेबल सस्पेन्सन र लिभर रहेको छ भने यसको पुरै ग्राफिक्स रेसिङलाई नै आधार मानेर डिजाइन गरिएको छ ।

अन्य मुलुकको सफलतालाई अंगाल्दै नेपालमै पहिलो पटक नेपालको आधिकारिक बिक्रेता जगदम्बा मोटर्सले युवा वर्गको चाहनाको मध्यनजर गर्दै फर्स्ट इन क्लास राइडिङ मोड्स सहितको मोडल नेपालमा लिएर आएको बताएको छ ।