सचेतनाका लागि १ लिटर कन्ट्रोल लुब्रिकेन्ट बिक्रीवापत १ रुपैयाँ सहयोग गरिने

काठमाडौं – कन्ट्रोल लुब्रिकेन्ट्सले स्तन क्यान्सरविरुद्धको सचेतनाका लागि सहयोग गर्ने भएको छ । स्वदेशमै उत्पादन हुने लुब्रिकेन्ट कन्ट्रोलले हरेक १ लिटर लुब्रिकेन्टको बिक्रीबाट प्राप्त हुने रकमबाट उक्त अभियानलाई १ रुपैयाँ सहयोग गर्ने बताएको छ ।

सो अभियानले महिलाहरुको मेडिकल चेकजाँचमा पहुँच बढाएर स्तन स्तन क्यान्सर सम्बन्धी सचेतना फैलाउन सहयोग पुग्ने कम्पनीले अपेक्षा गरेको छ । यसरी जम्मा गरिएको रकम मेमोग्रामका लागि छानिएका क्लिनिकहरुलाई सहयोगस्वरुप प्रदान गरिने कम्पनी स्रोतको भनाइ छ ।

फुजिमा आयल कम्पनीले विगत लामो समयदेखि विराटनगरमा कन्ट्रोल लुब्रिकेन्ट्स उत्पादन गर्दै आइरहेको छ । कन्ट्रोलले अटोमोटिभमा प्रायः सबै प्रकारका सवारीसाधनमा प्रयोग हुने र इन्डस्ट्रियलमा समेत प्रायः सम्पूर्ण रेन्जका लुब्रिकेन्ट उत्पादन गरी बिक्री–वितरण गर्दै आइरहेको छ ।

स्वदेशी उत्पादनमध्ये सर्बाधिक खपत हुने दाबी गरिएको यो लुब्रिकेन्टको बजार वार्षिक ३ हजार किलोलिटर अर्थात ३० लाख लिटर हाराहारीमा छ । जसबाट यो अभियानमा बार्षिक ३० लाख हाराहारी रकम संकलन हुने देखिन्छ ।