शुरु भयो हार्टफोर्डको फ्रि सर्भिस क्याम्प

काठमाडौं – हार्टफोर्ड मोटरसाइकलको नेपालका लागि आधिकारिक बितरक इग्निसन अटो प्रालिले भदौ १७ र १८ गते फ्रि सर्भिस क्याम्प आयोजना गर्ने भएको छ । कम्पनीले हार्टफोर्ड मोटरसाइकल ताइवानबाट ट्रेनिङ प्राप्त मेकानिक्समार्फत बाइकको सर्भिसिङ गराउने समेत जनाएको छ ।

उक्त क्याम्पमा आउने हार्टफोर्ड राइडरले कम्पनीले तोकेको मापदण्डभित्र सर्भिसिङ गराउँदा शुल्क तिर्नु नपर्ने र मापदण्डभन्दा बढी सर्भिसिङ गराउनु परे ५० प्रतिशत शुल्क बेहोर्नुपर्ने बताइएको छ । साथै स्पेयर पार्ट्स र इन्जिन आयलमा १० प्रतिशत छुट समेत उपलब्ध गराइनेछ ।

बौद्धस्थित कम्पनीको आधिकारिक सर्भिस सेन्टरमा उक्त क्याम्प आयोजना गरिने कम्पनी स्रोतको भनाइ छ । डर्ट सेग्मेन्टमा चर्चित हार्डफोर्डको भीआर बाइक पहिल्यै देखि नेपाली बजारमा लोकप्रिय बन्दै आइरहेको छ ।