होन्डा साइन मोटरसाइकल र एक्टिभा तथा ग्राजिया स्कुटरको बढ्यो मूल्य, यस्तो छ सबैको मूल्य सूची

काठमाडौं – नेपाली बजारमा उपलब्ध होन्डाका मोटरसाइकल र स्कुटर मध्ये ७ मोडलको मूल्यमा केही वृद्धि गरिएको छ । नेपालका लागि होन्डाको आधिकारिक वितरक स्याकार ट्रेडिङ कम्पनीले अगस्त २४ अर्थात गत भदौ ८ गते देखि लागू हुने गरी यी मोटरसाइकल तथा स्कुटरको मूल्य वृद्धि गरेको हो ।

नेपाली बजारमा उपलब्ध होन्डाका स्कुटर मध्ये एक्टिभा स्ट्यान्डर्ड र ग्राजिया स्ट्यान्डर्डको मूल्यमा ३ हजार रुपैयाँले वृद्धि गरिएको छ । यी स्कुटरको मूल्य अब २ लाख २७ हजार ९ सय रुपैयाँ पुगेको छ । त्यसैगरी ग्राजिया डीएलएक्सको मूल्यमा ७ हजारले वृद्धि भई २ लाख ५४ हजार ९ सय रुपैयाँ पुगेको छ ।

त्यसैगरी नेपाली बजारमा उपलब्ध होन्डा साइनका सबै भेरिएन्टको मूल्यमा ५ हजार रुपैयाँले वृद्धि गरिएको छ । अब सीबी साइन डीआरएसको मूल्य २ लाख २४ हजार ९ सय, सीबी साइन डीएसएसको मूल्य २ लाख ३४ हजार ९ सय, साइन एसपी डीआरएसको मूल्य २ लाख ४४ हजार ९ सय र सीबी साइन डीएसएसको मूल्य २ लाख ५४ हजार ९ सय रुपैयाँ छ ।

अन्य मोटरसाइकल र स्कुटरको मूल्य भने यथावत राखिएको छ । नेपाली बजारमा उपलब्ध होन्डाका मोटरसाइकल र स्कुटरको नयाँ र पहिलेको मूल्य सूची यस प्रकार छ :