सार्वजनिक भयो हुन्डाईको आकर्षक स्पोर्टी कार आई२० एन लाइन, बुकिङ सुरु

हुन्डाईले मंगलबार भारतमा नयाँ कार हुन्डाई आई२० एन लाइन आधिकारिक रुपममा सार्वजनिक गरेको छ । आई२० एन लाइनमा विशेष हाइलाइट्स समावेश गरिएको छ, जसले गर्दा यो हाल प्रचलित आई२० भन्दा फरक देखिनेछ । आगामी दिनमा कम्पनीले एन लाइनमा अन्य धेरै मोडल समेत उपलब्ध गराउने छ । सो एसयूभीमार्फत प्राप्त स्पोर्टी ड्राइभिङ अनुभवले युवामाझ लोकप्रिय हुने विश्वास गरिएको छ ।

हुन्डाई एन लाइन केही समय देखि अन्तर्राष्ट्रिय बजारमा उपलब्ध छ । यद्यपि आई२० एन लाइन भारतमा यो सिरिजको पहिलो उत्पादन हुनेछ । एन मोडल हुन्डाईको हाई परफर्मेन्स भर्सन हो ।

हुन्डाईले भारतमा आई२० एन लाइनको बुकिङ सुरु गरिसकेको छ । सो एसयूभी बुकिङको लागि २५ हजार भारुमा बुक गर्न सकिन्छ । कम्पनीले यसको मूल्य सेप्टेम्बरमा घोषणा गर्नेछ र सोही दिन बिक्री पनि सुरु गर्नेछ ।

हुन्डाईको परफर्मेन्स ब्रान्ड दुई भेरिएन्ट एन लाइन र एनमा उपलब्ध रहेको छ । जसमा एन लाइन स्ट्यान्डर्ड मोडलको लागि स्पोर्टी अपडेट उपलब्ध रहेको छ । यसमा विशेषगरी इन्टेरियर र एक्सटेरियर अपडेट पनि समावेश रहेको छ । एन रेन्जमा एयरो किट, अपडेटेड च्यासिस, सस्पेन्शन, ब्रेक र अन्य कम्पोनेन्टको साथमा पावरफुल इन्जिन समावेश छ । जसले कारलाई हाई परफर्मेन्स मोडल बनाउँछ ।

लुक र डिजाइन
हुन्डाई आई२० एन लाइनमा स्पोर्टियर डुअल टोन फ्रन्ट बम्पर उपलब्ध रहेको छ । जसमा गहिरो सेट फगल्याम्प र स्पोर्टी रेड एक्सेन्ट रहेको छ । यसको साथै स्पोर्टियर देखिने ग्रिल जसमा चेकर्ड फ्ल्यागबाट प्रेरित डिजाइन, एन लाइन लोगो र फ्रन्ट स्प्लिटर उपलब्ध रहेको छ ।

सो कारमा नयाँ डिजाइनको १६ इन्चको अलोय ह्वीलको साथमा रातो इन्सर्टको साथै साइड सिल गार्निश समावेश गरिएको छ । कारको रियरमा आई२० एन लाइनमा डिफ्युजर र ट्वीन एक्जस्ट पाइपको साथमा स्पोर्टियर बम्पर, साइड विंग्स, टेलगेट स्पोइलर र २ टेलल्याम्प युनिट जोड्ने डार्क क्रोम गार्निश उपलब्ध रहेको छ ।

इन्टेरियर र क्याबिन
कारको ड्यासबोर्ड लेआउट स्ट्यान्डर्ड कार जस्तो देखिन्छ । यद्यपि अल ब्ल्याक इन्टेरियरलाई रेड लाइट र रेड एम्बियन्ट लाइटिङले सजाएको छ । यसमा लेदर सिटको लागि एन लोगोको साथमा नयाँ चेकर्ड फ्लेग डिजाइन, स्पोर्टी मेटल प्याडल, बीस्पोक थ्री स्पोक स्टेयरिङ ह्वील र एन ब्रान्डेड लेदर गियर नब पनि समावेश गरिएको छ ।

फिचर
आई२० एन लाइनमा एपल कारप्ले र एन्ड्रोयड अटोको साथमा १०.२५ इन्च टचस्क्रिन इन्फोटेनमेन्ट सिस्टम, डिजिटल इन्स्ट्रयुमेन्ट क्लस्टर, वायरलेस फोन चार्जिङ, क्रुज कन्ट्रोल, अटोमेटिक क्लाइमेट कन्ट्रोल, सिंगल पेन सनरुफ, ७ स्पिकर बोस साउन्ड सिस्टम जस्ता फिचर रहेको छ । यसको साथै सो एसयूभीमा नयाँ भ्वाइस रिकग्निसन फङ्सन पनि उपलब्ध रहेको छ ।

सेफ्टी फिचर
हुन्डाईले ब्लूलिंक एपलाई पनि अपडेट गरेको छ, जसमा १६ फ्रि ओभर–द–एयर म्याप अपडेट प्रदान गरिएको छ । सेफ्टीको लागि सो कारमा ६ एयरब्याग, टीपीएमएस, रियर भ्यु पार्किङ क्यामेरा, अटोमेटिक हेडल्याम्प, इलेक्ट्रोनिक स्टेबिलिटी कन्ट्रोल, भेहिकल स्टेबिलिटी म्यानेजमेन्ट र हिल असिस्ट कन्ट्रोल समावेश गरिएको छ ।

इन्जिन र पावर
सो कार १.० लिटर, तीन सिलिन्डर टर्बो पेट्रोल इन्जिनको साथमा उपलब्ध रहेको छ । सो इन्जिनले १२० एचपीको पावर र १७२ एनएमको टर्क जेनेरेट गर्छ । ट्रान्समिसन विकल्पको रुपमा ६ स्पिड आईएमटी गियरबक्स वा ७ स्पिड डीसीटी गियरबक्स समावेश रहेको छ ।

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...