अब किया सेल्टोस एक्स लाइन आउने, टिजर सार्वजनिक

दक्षिण कोरियाली कार निर्माता कम्पनी कियाले भारतमा सोशल मिडियामार्फत नयाँ कारको टिजर सार्वजनिक गरेको छ । भिडियोमा कारलाई प्रोजेक्ट एक्स नाम दिइएको छ । कम्पनीले किया सेल्टोस एक्स लाइनलाई पेश गर्ने अनुमान गरिएको छ । जसलाई २०२० अटो एक्सपोमा प्रदर्शन गरिएको थियो ।

कारको टिजर भिडियोमा प्रोजेक्ट एक्स चाँडै लन्च हुने जानकारी दिइएको छ । कियाले भारतमा सेल्टोस एसयूभीको लन्चिङको १ वर्ष पुरा गरेको उपलक्ष्यमा सेल्टोस एनिभर्सरी एडिशन सार्वजनिक गरेको थियो । नयाँ एक्स लाइन पनि सेल्टोसको २ वर्षको वार्षिक उत्सवको अवसरमा पेश गर्ने सम्भावना रहेको छ । सेल्टोस एक्स लाइनमा ग्रिलको साथमा एलईडी हेडल्याम्प र स्लिक एलईडी डे–टाइम रनिङ लाइट समावेश हुनेछ ।

सो कारमा सेल्टोसको स्ट्यान्डर्ड भेरिएन्टको तुलनामा आकर्षक कलर थिम र कस्मेटिक अपडेट गरिएको थियो । सेल्टोस एक्स लाइन कालो रङको पेन्ट गरेको फरक स्टाइलको फ्रन्ट ग्रिलको साथमा पेश गरेको थियो । यसको एलईडी हेडल्याम्प र एलईडी डे–टाइम रनिङ लाइट पनि फरक देखिएको छ । साथै ब्ल्याक एयर डेम र ब्ल्याक अलोय ह्वीलमा कन्ट्रास्टिङ कलर एक्सेन्ट पनि देखिएको छ ।

सेल्टोस एक्स लाइनको स्ट्यान्डर्ड एडिसनको तुलनामा स्पोर्टियर देखाउनका लागि यसको एसेसरिजको साथमा उपलब्ध हुने विश्वास गरिएको छ । क्याबिन भित्रको सिट, अपहोल्स्ट्री र ड्यासबोर्डमा कन्ट्रास्ट स्टिचिङको साथमा स्पोर्टी लुक दिन खोजिएको छ ।

कारको एक्सटेरियर र क्याबिनमा कस्मेटिक अपडेट देख्न सकिन्छ । कारको मेकानिकल स्पेसिफिकेसन सेल्टोस एक्स लाइन स्ट्यान्डर्ड मोडल जस्तो देखिनेछ । सेल्टोस १.५ लिटर पेट्रोल इन्जिन, १.४ लिटर जीडीआई टर्बाे पेट्रोल इन्जिन र १.५ लिटर डिजेल इन्जिनमा उपलब्ध हुनेछ । जसले क्रमशः ११४ एचपी, १३८ एचपी र ११४ एचपीको पावर जेनेरेट गर्छ । सो कारमा ट्रान्समिशन विकल्पको रुपमा ६ स्पिड म्यानुअल गियरबक्स, ६ स्पिड टर्क कन्भर्टर, सीभीटी र ७ स्पिड डिसीटी अटोमेटिक गियरबक्स समावेश हुनेछ । हाल सेल्टोस भेरिएन्ट लाइन अप टेक लाइन र जीटी लाइनमा उपलब्ध रहेको छ ।