नेपाली बजारमा आयो नयाँ जेनेरेसन अतुल रिक

काठमाडौं – अतुल अटोको नेपालका लागि आधिकारिक वितरक भीजी अटोमोबाइल्सले एक कार्यक्रमको आयोजना गरी नयाँ जेनेरेसन अतुल रिक नेपालमा सार्वजनिक गरेको छ ।

एड्भान्स फिचरले भरिएको अतुल रिक स्टाइलिस र कम्फर्टेबल रहेको कम्पनीले जनाएको छ । पावरफुल फिचरका साथ आएको अतुल रिक नयाँ जेनेरेसन फिचरहरुले सुसज्जित छ । यसमा ग्राहकका लागि सुरक्षा, स्टाइल, स्पेस, बचत र मजबुती जस्ता पाँच पिलरको ग्यारेन्टी अतुल रिकले गरेको बताइएको छ ।

अतुल रिकमा २ सय सीसीको पेट्रोल इन्जिन छ, जसले ११.५ बीएचपी पावर र १५.८ एनएम टर्क जेनेरेट गर्छ । १०.५ लिटरको इन्धन ट्यांकी भएको यसमा चालक सहित ४ जना बस्न सकिन्छ ।

अतुल रिकको मूल्य ५ लाख ५५ हजार ९ सय रुपैयाँ तोकिएको छ । नेपाल राष्ट्र बैंकले हालै ल्याएको नयाँ मौद्रिक नीति अनुसार २५ लाख रुपैयाँ सम्मको कर्जालाई विपन्न वर्ग कर्जामा गणना गरिने र यसका लागि ५ प्रतिशतमै ऋण दिने भएकाले यसबाट स्वरोजगार बन्न चाहने व्यवसायीहरुले फाइदा लिन सक्ने देखिन्छ ।

तीन चक्के टेम्पु निर्माणमा भारतमा लोकप्रिय अतुल अटोमार्फत राजकोट र अहमदावादस्थित कारखानाबाट उत्पादित यी टेम्पु नेपाल लगायत २२ भन्दा धेरै देशमा विक्री हुँदै आएको कम्पनीले जनाएको छ ।