अब खल्ती वालेटबाट टीभीएसका सवारी साधनको किस्ता भुक्तानी गर्न सकिने

काठमाडौं – अनलाइन भुक्तानी सेवा प्रदायक खल्तीबाट अब टीभीएसका सवारी साधनको किस्ता भुक्तानी गर्न सकिने भएको छ । यसका लागि खल्ती र नेपालका लागि टीभीएसको आधिकारिक बिक्रेता जगदम्बा मोटर्सबीच सम्झौता भएको छ ।

अब ग्राहकले टीभीएसका मोटरसाइकल, स्कुटर, टेम्पो जस्ता सबै सवारी साधनहरुको किस्ता खल्तीबाट सिधै तिर्नसक्ने भएका छन् । खल्तीले ग्राहकहरुको सहजताको लागि टीभीएस सोरुममा खल्ती क्यूआरहरु पनि सेट गरेको छ, जसमार्फत ग्राहकहरुले युनियन पेसँग आवद्ध बैंक तथा डिजिटल वालेटहरुबाट पनि भुक्तानी गर्न सक्नेछन् ।

यसरी गर्न सकिन्छ किस्ता शुल्क भुक्तानी

खल्तीबाट टीभीएसका सवारी साधनको किस्ता शुल्क भुक्तानी गर्न सबैभन्दा पहिले खल्तीको होम स्क्रिनमा रहेको ‘ईएमआई’ आइकनमा ट्याप गर्ने, त्यसपछि ‘जगदम्बा क्रेडिट एन्ड इन्भेस्टमेन्ट’ लेखिएको ब्यानरमा क्लिक गर्ने, अब सम्पूर्ण विवरण दाखिला गरि ‘प्रोसिड टु पे’ बटनमा दबाउने ।

५ हजार रुपैयाँ भन्दा माथिको किस्ता तिर्नु परेमा प्रयोगकर्ताले आफ्नो खल्ती केवाईसी भने अनिवार्य भेरिफाई गराएको हुनुपर्नेछ ।