चीनको नं.१ प्यासेन्जर गाडी अब नेपालमा आउने, एमएडब्लु वृद्धि आधिकारिक वितरक

काठमाडौं – चाङ्गन अटो ग्रुपले नेपाली बजारमा प्रवेश गने औपचारिक निर्णय गरेको छ । नेपालस्थित एमएडव्लु वृद्धि अटोकर्पसँग व्यापारिक साझेदारीमा उक्त चिनियाँ कम्पनीले नेपालमा आफ्नो उत्पादनहरूको बिक्री–वितरण गर्नेछ ।

सन् २०२१ मा चाङ्गन ब्रान्डका प्यासेन्जर गाडीहरू चीनमा सबैभन्दा बढी बिक्री हुन सफल भएको थियो । त्यसैगरी सन् २०२० मा यस ब्राण्डका २० लाख वटा गाडीहरू विश्वका ६० मुलुकहरूमा बिक्री भएको नियो । चीनमा बिक्री हुने र त्यहाँबाट निर्यात हुने अधिकांश फोर्ड र माज्दा गाडीहरू चाङ्गन अटो ग्रुपले उत्पादन गर्दछ ।

नेपालमा उपलब्ध स्कोडा, जिप, जेसीबी, यामाहा, फोटोन र एमएएन जस्ता अन्तर्राष्ट्रिय अटोमोबाइल ब्रान्डहरूको नेपालस्थित एकमात्र आधिकारिकबिक्रेता एमएडब्लु ग्रुप रहेको छ । यो अटोमोबाइल क्षेत्रमा काम गने देशकै दोश्रो ठूलो कम्पनी पनि हो ।

सेडान, पिकअप, एसयूभी र ईभीको साथसाथै अवार्ड विनिङ यूनिआई श्रेणीका ब्रान्डहरू उत्पादनकर्ता चाङ्गनले नेपाली बजारमा आफ्नो एक बेग्लै छवि बनाउन सफल हुनेमा विश्वस्त भएको एमएडव्लुका अध्यक्ष विष्णु अग्रवालले बताए ।

अग्रवालका अनुसार भविष्यमुखी बनावट र नवीन प्रविधिले सम्पन्न चाङ्गन ब्रान्डले समग्र नेपाली अटोमोबाइल उद्योगलाई नयाँ गति दिन सहयोग गर्नेछ । एमएडव्लु चाङ्गन गाडीको ग्राहकहरूको लागि उत्कृष्ट सेवा, सुविधा प्रदान गर्नमा प्रतिबद्ध भएको उनले बताए ।

चाङ्गन अटो ग्रुपका उप–महाप्रबन्धक देङ्गले एमएडव्लुसँग साझेदारी गदै नेपाली बजारमा अन्तर्राष्ट्रिय स्तरको उत्पादन ल्याउन पाउँदा आफूहरू अत्यन्तै खुसी भएको बताए । देशकै दोश्रो ठूलो अटोमोटिभ ग्रुपले आफ्नो ग्राहक केन्द्रीत बिक्री सेवाको लागि ख्याति कमाएको र यो सहकार्यमार्फत चाङ्गन ब्रान्ड आफ्नो सर्वोत्कृपट उत्पादन मार्फत ग्राहकवर्गको बदलिदो आवश्यकता र चाहनाहरूलाई परिपूर्ति गर्नेतफै उन्मुख रहेको उनले बताए ।

पहिलो चरणमा सेडान, पिकअप र एसयूभी तथा दोस्रो चरणमा विद्युतीय गाडीहरु नेपालमा बिक्री–वितरण गर्ने योजना रहेको चाङ्गन अटो ग्रुपको भनाइ छ ।