बढ्यो हुन्डाई गाडीको मूल्य, आज देखि लागू

काठमाडौं – नेपालमा हुन्डाई गाडीको आधिकारिक वितरक लक्ष्मी इन्टरकन्टिनेन्टल प्रालिले आज देखि लागू हुने गरी नयाँ मूल्य सूची सार्वजनिक गरेको छ ।

नयाँ मूल्य सूची अनुसार हुन्डाई स्यान्ट्रो ईराको मूल्य पहिले २४ लाख ५६ हजार भएकोमा अब बढेर २५ लाख ५६ हजार रुपैयाँ पुगेको छ । त्यसैगरी यसको म्याग्ना मोडलको मूल्यमा ५० हजार रुपैयाँ वृद्धि भई २७ लाख ५६ हजार र अर्को मोडल स्पोर्ट्जको मूल्यमा ७० हजारले वृद्धि भई २९ लाख ९६ हजार रुपैयाँ पुगेको छ ।

ग्रान्ड आई१० नियोसको म्याग्ना भेरिएन्टको मूल्य ३१ लाख ५६ हजारबाट ३१ लाख ९६ हजार रुपैयाँ पुगेको छ ।

त्यसैगरी भेन्यु र क्रेटाका विभिन्न भेरिएन्टको मूल्यमा पनि ५० हजार देखि १ लाख ५० हजार रुपैयाँ सम्म वृद्धि भएको छ ।

हुन्डाईको नेपाली बजारमा उपलब्ध सबै गाडी र तिनको मूल्य यहाँ हेर्न सकिन्छ ।