केटीएम बाइकको मूल्यमा भारी वृद्धि, एउटै बाइकमा ९५ हजार सम्म मूल्य वृद्धि

काठमाडौं – नेपाली बजारमा केटीएम बाइकको मूल्य भारी रुपमा वृद्धि भएको छ । केटीएमको नेपालका लागि आधिकारिक वितरक हंसराज हुलासचन्द एन्ड कम्पनीले आज साउन १५ देखि लागू हुने गरी बाइकको मूल्यमा वृद्धि गरेको हो ।

नयाँ मूल्य सूची अनुसार केटीएम आरसी ३९० को मूल्यमा ९५ हजार रुपैयाँले वृद्धि भई ९ लाख ४४ हजार ९ सय रुपैयाँ पुगेको छ । पहिले यसको मूल्य ८ लाख ४९ हजार ९ सय रुपैयाँ पुगेको छ ।

केटीएम ३९० ड्युक र ३९० एड्भेन्चरको मूल्यमा ९० हजार रुपैयाँले वृद्धि भएको छ । ३९० ड्युकको मूल्य ९ लाख ६९ हजार ९ सय र ३९० एड्भेन्चरको मूल्य १० लाख ८९ हजार ९ सय रुपैयाँ पुगेको छ ।

केटीएम २५० एड्भेन्चरको मूल्य ७० हजार रुपैयाँले वृद्धि भई ८ लाख १९ हजार ९ सय रुपैयाँ पुगेको छ भने केटीएम २५० ड्युकको मूल्यमा ५० हजारले वृद्धि भई ७ लाख २४ हजार ९ सय रुपैयाँ पुगेको छ ।

केटीएम आरसी २०० र केटीएम २०० ड्युकको मूल्यमा ४० हजार रुपैयाँले वृद्धि भएको छ । अब यी बाइकको मूल्य क्रमशः ६ लाख ५९ हजार ९ सय र ५ लाख ८४ हजार ९ सय रुपैयाँ पुगेको छ ।

साउन १५ देखि यी बाइकको मूल्यमा वृद्धि हुने घोषणा केटीएमले पहिले नै गरेको थियो । गत चैत महिनामै कम्पनीले प्रारम्भिक मूल्य सार्वजनिक गरेको र केही समय पछि मूल्य बढ्ने बताएको थियो । तर निषेधाज्ञाका कारण अहिले मात्र मूल्य वृद्धि गरिएको कम्पनी स्रोतको भनाइ छ ।

नेपालमा उपलब्ध केटीएम बाइक र तिनको मूल्य तथा विशेषता यहाँ हेर्न सकिन्छ ।

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...