होन्डाको ७०औं वार्षिकोत्सव वारेमा आएको फेक एसएमएसको भ्रममा नपर्न अनुरोध

काठमाडौं – होन्डाको ७०औं वार्षिकोत्सवको अवसरमा बधाई सहितको एसएमएस आइरहेको र उक्त फेक एसएमएसको भ्रममा नपर्न नेपालका लागि होन्डाको आधिकारिक वितरक स्याकार ट्रेडिङ कम्पनीले अनुरोध गरेको छ ।

हाल वार्षिकोत्सवको अवसरमा बधाई सहितको सन्देशमा ‘तपाईले होन्डा स्कुटर जित्नुभएको छ र यसको लागि यो लिंक खोलेर रजिष्टर गर्नुहोला ।’ भन्ने आशयका एसएमएस भाइरल बनिरहेको छ । यस्ता फेक एसएमएसको भ्रममा नपर्न र आफ्नो कुनै पनि ब्यक्तिगत जानकारी तथा उक्त एसएमएस सेयर नगर्न होन्डा नेपालले अनुरोध गरेको छ ।

होन्डाले यस्ता कुनै पनि प्रकारका सन्देश पठाउने नगरेको र यस सम्बन्धी थप जानकारी लिनु परेमा होन्डा नेपालको टोल फ्रि नम्बर १६६००१४६६३२ वा ९८०१५७११११ मा सम्पर्क गर्न पनि अनुरोध गरिएको छ ।