आज देखि प्रारम्भ भएन नागरिक एपमार्फत सवारी कर तिर्ने सुविधा, अब साउन ६ देखि शुरु हुने

काठमाडौं – बागमती प्रदेश सरकारले आज देखि नागरिक एपबाटै यातायात तथा सवारी साधनको नवीकरण र राजस्व तिर्न सकिने सुविधा सुरु हुने भनेकोमा प्राविधिक कारणले सम्भव भएको छेन ।

बागमती प्रदेश सरकारका भौतिक पूर्वाधार विकास मन्त्री रामेश्वर फुँयालले थप प्राविधिक तयारी आवश्यक देखिएकाले सो सेवा आगामी साउन ६ देखि मात्र शुभारम्भ गरिने बताए ।

एपको पछिल्लो अपडेटबाट नागरिक एपमा ‘सवारी कर’ फिचर आएको छ । यातायात कार्यालयमा रहेको आफ्नो सवारीसाधनको विवरण, चुक्ता गरिसकेको तथा चुक्ता गर्न बाँकी राजस्व लगायतको जानकारी हेर्न सकिने सुविधा रहेको छ ।

अब ६ गतेबाट त्यसमा यातायातको राजस्वको अनलाइन भुक्तानीको सुविधा समेत थप हुने छ । बागमती प्रदेशबाट सुरु हुने यो सेवा क्रमशः देशका सबै प्रदेश अन्तर्गतका यातायात कार्यालयमा विस्तार गरिने बताइएको छ ।