सिंगल चार्जमा ८०० किलोमिटर चल्ने विश्वको पहिलो इलेक्ट्रिक मसल कार २०२४ सम्म लन्च हुने

काठमाडौं –डज कम्पनी विश्वभर पावरफुल र आइकनिक कार निर्माण गर्ने चर्चित कम्पनी हो । उक्त कम्पनीले सन् २०२४ सम्ममा विश्वको पहिलो मसल कार निर्माण गर्ने भएको छ । कम्पनीले स्टेलन्टिसद्वारा आयोजित एक कार्यक्रममा सो कुराको घोषणा गरेको थियो

रिपोर्टका अनुसार डज ईभी फुल चार्जमा ८०० किलोमिटरको दुरी तय गर्ने क्षमता रहेको छ । कम्पनीसँग ४ ईभी प्लेटफर्म रहेको छ र इलेक्ट्रिक मसल कार एसटीएलए लार्ज प्लेटफर्ममा तयार पारिनेछ ।

नयाँ डज ईभी टु डोर च्यालेन्जर वा फोर डोर चार्जरको इलेक्ट्रिक कार हुनेछ । यसको बारेमा कम्पनीले केही जानकारी दिएको छैन । सो कारमा फ्राटोज लोगो समावेश गरिनेछ । जसको प्रयोग कारको ग्रिलमा १९६० र ७० को दशकमा गरिएको थियो ।