विश्वमै ३ सय युनिट मात्र उत्पादन भएको एमभी अगस्टाको बाइक नेपालमा

काठमाडौं – एमभी अगस्टा सुपरभेलोस सिरी ओरो बाइक नेपाली बजारमा भित्रिएको छ । एक कार्यक्रमका बीच एसजे मोटोले सो बाइक अनावरण गरेको छ । एसजे मोटोका अध्यक्ष सौरभ ज्योतिले सो बाइक सार्वजनिक गरे ।

विश्व प्रसिद्ध इटालियन ब्रान्ड एमभी अगस्टाको नियो रेट्रो रेसरको एक विशेष संस्करण र्नै सुपरभेलोस सिरी ओरो हो । एमभी अगस्टा एफथ्रीबाट प्रभावित यो बाइकमा इनलाइन थ्री सिलिन्डर इन्जिन र कम्प्याक्ट बडी स्ट्रक्चर डिजाइन छ, जुन रेसिङ र रेगुलर राइडिङ दुवैका लागि उपयुक्त छ । यसमा अत्याधुनिक प्रविधिका साथै ब्रान्ड भ्याल्यु पहिचान गर्ने सबै फिचर उपलब्ध छन् ।

सुपरभेलोस सिरी ओरोमा ७९८ सीसी तीन सिलिन्डर इन्जिन रहेको छ । यो इन्जिनले १३००० आरपीएममा १४८ हर्सपावर पावर तथा ८८ एनएम टर्क जेनेरेट गर्छ ।

विश्वमा ३ सय युनिट मात्र उत्पादन भएको छ । त्यही मध्ये एक युनिट नेपाली बजारमा ल्याइएको र यो बिक्री समेत भइसकेको बताइएको छ । ३ सय मध्ये १४४ युनिट विश्वभर बिक्री भइसकेका छन् । यसको मूल्य ८६ लाख ९० हजार रुपैयाँ छ । नेपाली बजारमा यसको रेगुलर भेरिएन्ट भने बिक्रीका लागि उपलब्ध हुनेछ ।

एसजे मोटो नेपालमा नयाँ र आकर्षक सुपरबाइकहरुको सोरुम हो । यहाँ ऐतिहासिक सुपरबाइकहरु समेत पाइन्छन् । यहाँ अर्गानिक नेपाली कफि सप समेत छ । यहाँ एमभी अगस्टाका अन्य बाइक समेत उपलब्ध छन्

। बाइक बुकिङ गर्न चाहने ग्राहकले एसजे मोटोको सोरुममा गएर बुकिङ गर्न सक्ने बताइएको छ । त्यसैगरी एसजे मोटो ग्यालरीबाट पनि यसको बुकिङ गर्न सकिने छ ।