सिंगल चार्जमा १३० किलोमिटर दुरी तय गर्ने बीएमडब्ल्युको इलेक्ट्रिक स्कुटर सार्वजनिक

बीएमडब्ल्युले नयाँ इलेक्ट्रिक स्कुटर सीई ०४ सार्वजनिक गरेको छ । कम्पनीले पहिलो पटक सन् २०१७ मा बीएमडब्ल्यु मोटरराड कन्सेप्ट लिंकको रुपमा सो स्कुटर प्रदर्शन गरेको थियो । यसको प्रोडक्सन मोडललाई २०२० मा बीएमडब्ल्यु मोटरराड डेफिनिशन सीई ०४ को रुपमा सार्वजनिक गरिएको थियो ।

बीएमडब्ल्यु सीई ०४ मा ८.९ केडब्ल्युएचको व्याट्री र इलेक्ट्रिक मोटर समावेश गरिएको छ । जसले २० एचपीको पावर जेनेरेट गर्छ । यसको अधिकतम पावर ४१.५ बीएचपीको रहेको छ । सो इलेक्ट्रिक स्कुटरले फुल चार्जमा १३० किलोमिटरको दुरी तय गर्ने कम्पनीले दावी गरेको छ । साथै ब्याट्री स्ट्यान्डर्ड २.३ केडब्ल्यु चार्जरको उपयोग गरी ४ घन्टा २० मिनेटमा ० देखि १०० प्रतिशत चार्ज गर्न सकिन्छ ।

सीई ०४ स्कुटर २.६ सेकेन्डमा ० देखि ५० किलोमिटरको स्पिड लिने क्षमता रहेको छ । यसको टप स्पिड १२० किलोमिटर प्रति घन्टा रहेको छ । २.३ किलोवाट आवरको चार्जर प्रयोग गरी यसलाई ४ घण्टा २० मिनेटमा ० देखि १०० प्रतिशत सम्म चार्ज गर्न सकिन्छ । यद्यपि यसलाई ६.९ केडब्ल्युको फास्ट चार्जरको प्रयोग गरी १ घन्टा ४० मिनेटमै फुल चार्ज गर्न सकिन्छ ।

सीई ०४ को उत्पादन मोडल कन्सेप्टसँग मिल्दाजुल्दो रहेको छ । सो बाइकमा साइड प्यानल, माथि उठेको ह्यान्डलबार र फ्लोटिङ सिटको साथमा कम्प्याक्ट फ्रन्ट एप्रन समावेश गरिएको छ । स्कुटरलाई स्ट्यान्डर्ड म्याट सेक्शनको साथमा लाइट ह्वाइट रङमा पेश गरिएको छ । यद्यपि यसमा अन्य एभेन्टगार्ड स्टाइल भेरिएन्टलाई म्याग्लन ग्रे मेटेलिक कलरको साथमा ब्ल्याक÷ओरेन्ज सिट, ओरेन्ज विंड डिफ्लेक्टर र बडी ग्राफिक्सको साथमा प्रस्तुत गरिएको छ ।

यो स्कुटर आगामी सन् २०२२ मा बजारमा उपलब्ध हुने बताइएको छ ।