इलेक्ट्रिक कार र बाइक पछि अब इलेक्ट्रिक एयरप्लेन, फुल चार्जमा १०४६ किलोमिटर उड्न सक्ने

विश्वभर इलेक्ट्रिक भेइकलको ट्रेन्ड बढ्दै गइरहेको छ । पछिल्लो समयमा इलेक्ट्रिक भेइकलको माग बढिरहेको छ । हाल बजारमा इलेक्ट्रिक कार, बाइक र स्कुटर उपलब्ध छ । रिपोर्ट अनुसार केही कम्पनीले इलेक्ट्रिक एयरप्लेन पनि बनाएका छन् ।

इलेक्ट्रिक एयरप्लेन स्टार्टअप इभिएसन एयरक्राफ्ट लिमिटेड कम्पनीले इलेक्ट्रिक एयरप्लेन एलिस कम्युटर एयरक्राफ्ट निर्माण गरेको छ । सो इलेक्ट्रिक एयरप्लेनले यही वर्ष पहिलो उडान भर्ने भएको छ ।

कम्पनीका अनुसार कोरोना महामारीको कारणले गर्दा सो इलेक्ट्रिक एयरप्लेन परीक्षणमा १ वर्ष ढिला भएको छ । एलिस कम्युटरले एकसाथ प्यासेन्जरलाई लिएर फुल चार्जमा १०४६ किलोमिटरको उडान भर्न सक्ने क्षमता रहेको छ । सो उडान सानो सिटीको लागि उपयुक्त भएको कम्पनीले जानकारी दिएको छ ।

सो इलेक्ट्रिक एयरक्राफ्ट एलिस कम्युटरको विशेषता भनेको यसमा भर्टिकल टेकअफको भन्दा टे«डिसनल फिक्स्ड विङ डिजाइन समावेश गरिएको छ । सो एयरप्लेन ईभीटोल प्लेन भन्दा ठूलो रहेको छ । यसको टी शेप्ड टेलको ठाउँमा भी शेप्ड टेल समावेश गरिएको छ । यसमा विंग्समा प्रोपल्शनको लागि २ इलेक्ट्रिक इन्जिन समावेश गरिएको छ ।

कम्पनीका सीईओका अनुसार कम्पनीसँग हाल एलिस कम्युटर एयरक्राफ्ट १५० भन्दा बढी अर्डर आएको छ । जसमा क्याप एयरको साथमा अमेरिकी र ब्रिटिश कम्पनी पनि समावेश रहेको छ ।