आज लन्च हुँदैछ हुन्डाई अल्काजार, यस्तो हुनेछ १५ मुख्य फिचर

हुन्डाईले तीन पंक्ति भएको हुन्डाई अल्काजार लन्च गर्ने भएको छ । सो कार खरिद गर्नको लागि २५ हजार भारुमा बुकिङ गर्न सकिने कम्पनीले जानकारी दिएको छ । लन्चिङ पछि भारतमा सो कार टाटा सफारी, एमजी हेक्टर प्लस र महिन्द्रा एक्सयूभी५०० सँग प्रतिस्पर्धा गर्नेछ । सो कारको बारेमा केही जानकारी सार्वजनिक भएको छ ।

हुन्डाई अल्काजारमा १०.२५ इन्चको मल्टी डिस्प्ले डिजिटल इन्स्ट्रयुमेन्ट क्लस्टर पहिलो पटक समावेश गरिएको छ । सो कार ६ र ७ सिटिङ लेआउटको साथमा प्रस्तुत गरिनेछ । ७ सिटर भर्सनमो दोस्रो पंक्तिको बीचमा फोल्डिङ आर्मरेस्टको साथमा बेन्च सिट उपलब्ध रहेको छ । जबकि ६ सीटर भर्सनको दोस्रो पंक्तिमा क्याप्टेन सिट रहेको छ । यसमा वान टच टिप एन्ड टम्बल फिचर पनि उपलब्ध रहेको छ । जसले कार भित्र पस्न र निस्कन सजिलो बनाउँछ ।

सो कारको सिटको दोस्रो पंक्तिको सेन्टर कन्सोलमा वायरलेस स्मार्टफोन चार्जर पनि समावेश गरिएको छ । उक्त कन्सोलमा एक इन्टिग्रेडेट आर्मरेस्ट र दुई कप होल्डर पनि रहेको छ । कारको फ्रन्ट सिटको पछाडि फोल्डिङ टेबल र रिटया«क्टेबल कप होल्डर पनि समावेश गरिएको छ । अल्काजारको क्याबिनमा ब्ल्याक र ब्राउन कलर थिम समावेश गरिएको छ ।

अल्काजार दुई इन्जिन विकल्पको साथमा उपलब्ध हुनेछ । जसमा पहिलो २.० लिटर पेट्रोल इन्जिन रहेको छ । सो इन्जिनले १५९ पीएसको पावर र १९२ एनएमको टर्क जेनेरेट गर्छ । दोस्रो १.५ लिटर टर्बाे डिजेल इन्जिन रहेको छ । जसले ११५ पीएसको पावर र २५० एनएमको टर्क जेनेरेट गर्छ । सो कारमा ६ स्पिड म्यानुअल ट्रान्समिसन र ६ स्पिड टर्क कन्भर्टर अटोमेटिक ट्रान्समिसनको विकल्प रहेको छ ।

सो कार एक प्रिमियम बोस साउन्ड सिस्टमको साथमा उपलब्ध हुनेछ । जसमा ८ स्पिकर हुनेछ । सो कारमा ३६० डिग्री क्यामेरा पनि समावेश गरिएको छ ।

अल्काजार को–प्रेस्टीज एमटी, प्रेस्टीज ओ एटी, प्लाटिनम एमटी, प्लाटिनम ओ एटी, सिग्नेचर एमटी र सिग्नेचर ओ एटी भेरिएन्टमा पेश गरिनेछ । जसमा बेस प्रेस्टीज एमटी ट्रिम ६ र ७ सिटर कन्फिगरेसनको साथमा उपलब्ध हुनेछ । जबकि प्रेस्टीज ओ ६ सिटर पेट्रोल मोडल र ७ सिटर डिजेल मोडलमा उपलब्ध हुनेछ । प्लाटिनम ७ सिटर कन्फिगरेसनमा मात्र उपलब्ध हुनेछ ।

सो कार ६ सिंगल टोन पेन्ट विकल्प र दुई डुअल टोन पेन्ट विकल्पमा उपलब्ध हुनेछ । हुन्डाई अल्काजारमा स्पोर्ट, कम्फर्ट र इको गरी तीन ड्राइभिङ मोड रहेको छ । सो कारमा तीन ट्रयाक्शन कन्ट्रोल मोड स्नो, स्यान्ड र मड समावेश गरिएको छ ।

सो कारमा ठूलो प्यानोरमिक सनरुफ पनि जडान गरिएको छ । अल्काजारको रियर डिजाइनमा केही परिवर्तन गरिएको छ । यहाँ एलईडी टेललाइटलाई नयाँ रुप दिइएको छ र टेलगेटको सेन्टरमा क्रोम स्ट्रिप समावेश गरिएको छ ।