कार र १००० सीसी सम्मका बाइकमा प्रयोग हुन्छ मोटुल लुब्रिकेन्ट

मोटुल लुब्रिकेन्ट विश्वमै गुणस्तरीय लुब्रिकेन्टको रुपमा परिचित छ । विश्वमा सबैभन्दा धेरै रेन्जका लुब्रिकेन्ट उत्पादन गर्ने कम्पनीको रुपमा मोटुल प्रचलित छ । सन् १८५३ मा स्थापना भएको फ्रेन्च कम्पनी मोटुलले डिजेल, पेट्रोल, औद्योगिकलगायत सबै सेगमेन्टका लुब्रिकेन्ट उत्पादन गर्छ ।

नेपाली बजारको सन्दर्भमा कुरा गर्दा बजाज प्लाटिना, सुजुकी हायाते जस्ता साना सीसीका बाइक देखि हजार सीसी सम्मका ठूला बाइकमा मोटुलका लुब्रिकेन्ट प्रयोग हुन्छन् । विशेष गरी सिन्थेटिक लुब्रिकेन्टको क्षेत्रमा यो प्रिमियम ब्रान्डको रुपमा प्रचलित छ ।

नेपाली बजारमा विशाल ग्रुप अन्तर्गतको भीजी अटोमोबाइल्सले मोटुल लुब्रिकेन्ट बिक्री–वितरण गरिरहेको छ । करिव ५ वर्षको अवधिमा देशभर यो ब्रान्डको नेटवर्क विस्तार तीव्र गतिमा भएको छ । भीजी अटोमोबाइल्सका बिजनेस हेड पुरुषोत्तम पौडेलका अनुसार हाल देशभर ५ सय भन्दा बढी आउटलेटमार्फत यो लुब्रिकेन्ट उपलब्ध हुन्छ ।

नेपाली बजारमा उपलब्ध सबै ब्रान्डका मोटरसाइकलमा मोटुल लुब्रिकेन्ट प्रयोग हुँदै आएको छ । सुजुकी, रोयल इन्फिल्ड, केटीएम, जावा आदि ब्रान्डका बाइकमा मोटुल लुब्रिकेन्ट अफिसियल लुब्रिकेन्टको रुपमा प्रयोग हुँदै आएको छ । अन्य कम्पनीका बाइकमा पनि आगामी दिनमा यसका लागि सम्झौता गर्ने तयारी भइरहेको पौडेलले बताए ।

प्रिमियम लुब्रिकेन्टको रुपमा परिचित भएकाले अन्तर्राष्ट्रिय रुपमा विशेष गरी रेसिङ बाइकहरुमा यो लुब्रिकेन्टको प्रयोग अत्यधिक रुपमा हुने गरेको पौडेल बताउँछन् । यसले गर्दा सुजुकी, हार्टफोर्ड आदि ब्रान्डका स्पोर्ट्स बाइकमा मोटुल लुब्रिकेन्ट धेरै प्रयोग हुने गरेको छ ।

मोटरसाइकल आयातकर्ता कम्पनीहरुले वारेन्टी अवधिभर यस्ता प्रिमियम ब्रान्डकै लुब्रिकेन्ट प्रयोग गर्ने गरेका छन् । जस्तो कि सुजुकी मोटरसाइकल किन्दा ५ वर्ष वा ७० हजार किलोमिटर गुड्दा सम्म वारेन्टी अवधि हुन्छ । यो अवधिमा मोटुल लुब्रिकेन्ट नै प्रयोग हुन्छ ।

नेपाली बजारमा उपलब्ध रेनो, एमजी, माज्दा, ग्रेटवाल आदि ब्रान्डका कारमा पनि वारेन्टी अवधिभर यही लुब्रिकेन्ट प्रयोग हुन्छ । विभिन्न कम्पनीका गाडीहरु सर्भिसिङ गर्दा र अन्य अवस्थामा यस्ता प्रिमियम ब्रान्डको प्रयोग गर्ने प्रचलन बढ्दै गएको छ ।

मोटुल लुब्रिकेन्टको प्रयोग गर्दा सवारी साधनले राम्रो पर्फमेन्स दिने र लामो दुरी पार गरे पश्चात मात्र अर्को लुब्रिकेन्ट फेर्नु पर्ने हुन्छ । सामान्य मिनरल लुब्रिकेन्ट पनि ५ हजार किलोमिटर र सिन्थेटिक लुब्रिकेन्ट १० हजार किलोमिटर भन्दा बढी गुडे पछि मात्र लुब्रिकेन्ट प्रयोग गर्न सकिन्छ । यसले गर्दा छिटो लुब्रिकेन्ट फेर्नु पर्दैन । यसले इन्जिनलाई पनि सुरक्षित राख्छ । यसो हुँदा दीर्घकालीन दृष्टिकोणले लुब्रिकेन्टको मूल्य समेत सस्तो पर्न जाने बिजनेस हेड पौडेल बताउँछन् ।

नेपालका उपभोक्ताहरुमा अझै पनि लुब्रिकेन्टप्रति धेरै चासो भएको पाइदैन । मेकानिक्सले भनेकै भरमा लुब्रिकेन्ट प्रयोग गर्ने ग्राहक पनि धेरै छन् । तर २ सय सीसी भन्दा माथिल्लो सेगमेन्टका बाइक र कार चढ्ने ग्राहकहरु भने यसमा सचेत भएको पाइन्छ । यो अवस्थामा धेरैले प्रिमियम ब्रान्ड र यसको विशेषताको पनि पहिचान गरेका हुन्छन् । सबै ग्राहकले लुब्रिकेन्टको गुणस्तरीयता र विशेषता वारेमा थाहा पाउनु उपयुक्त हुने पौडेल बताउँछन् ।