चर्चामा टाटाको सबैभन्दा सस्तो कार, फेरि देखियो स्पाई तस्बिर

टाटाले गत अटो एक्सपोमा प्रदर्शन गरेको ‘एचबीएक्स’ कोडनेमको कन्सेप्ट कार आगामी दिनमा टाटा हर्नबिलको नाममा आउने सम्भावना छ । यो कारको धेरै पटक परीक्षण गरिरहेका तस्बिर सार्वजनिक भएका थिए ।

अहिले फेरि यसको स्पाई तस्बिर फेरि सार्वजनिक भएको छ । यसबाट अलोय ह्विल र प्रोडक्सन स्पेक लाइटिङ सिस्टमको वारेमा धेरै जानकारी भएको छ । टाटाको यो माइक्रो एसयूभी टाटाको सबैभन्दा सस्तो कार हुने अनुमान गरिएको छ ।

यसको फ्रन्ट डिजाइन टाटा ह्यारियर अर्थात नेपाली बजारमा उपल्ब्ध एचफाइभबाट प्रेरित भए जस्तो लाग्छ । यसको टपमा स्लिक एलईडी डीआरएलका साथ स्प्लिट हेडल्याम्प सेटअप र बम्परमा मुख्य हेडल्याम्प युनिट छ ।

एसयूभीको बम्परमा फगल्याम्प र फराकिलो एयर इन्टेक दिइएको छ । त्यसैगरी यसमा ब्ल्याक क्लेडिङ उपलब्ध छ ।

टाटाको यो नयाँ कारमा १.२ लिटर थ्री सिलिन्ढर नेचुरल्ली एस्पिरेटेड इन्जिन हुनेछ, जुन टाटा टियागो र अल्ट्रोजमा पनि उपलब्ध छ । सो इन्जिनले ८६ बीएचपी पावर र ११३ एनएम टर्क जेनेरेट गर्छ । यसमा १.२ लिटर टर्बोचार्ज्ड पेट्रोल इन्जिन पनि उपलब्ध हुन सक्ने सम्भावना छ ।

यसको मूल्य अहिले नै भन्न नसकिए पनि भारतीय बजारमा ५ लाख भारुको हाराहारी हुने अनुमान गरिएको छ । यसले गर्दा यो निकै नै सस्तो कारको रुपमा उपलब्ध हुने अनुमान गर्न सकिन्छ ।