७ सिटर हुन्डाई अल्काजारका लागि अझै केही दिन कुर्नु पर्ने

हुन्डाईले पहिले देखि नै लन्च गर्ने घोषणा गरेको ७ सिटर एसयूभी अल्काजारको लन्चिङ टाइममा थप ढिलाई हुने भएको छ । कोभिड–१९ संक्रमणको कारण यसरी ढिलाई हुने भएको हो । नयाँ मिडिया रिपोर्टका अनुसार यो कार अब जुन महिनामा मात्र लन्च हुन सक्नेछ ।

यद्यपि सो कार भारतका विभिन्न डिलरसिपमा पुगिसकेको समाचार पनि आएका छन् । ग्राहकले अनअफिसियल रुपमा यसको बुकिङ पनि गर्न सक्ने छन् ।

सो कारको प्रतिस्पर्धा एमजी हेक्टर प्लस, महिन्द्रा एक्सयूभी५०० र टाटा सफारी जस्ता कारसँग हुनेछ । यो ६ र ७ सिट अप्सनमा उपलब्ध हुनेछ । कारमा ड्युअल टोन क्याप्टेन सिट पनि उपलब्ध हुने बताइएको छ ।

सो कार क्रेटाको लामो र प्रिमियम भर्सन हुनेछ । अल्काजारको स्पेनिस अर्थ महल हुन्छ । यसमा सबै प्रकारको लक्जरी फिचर हुने अनुमान गरिएको छ ।

अल्काजारमा हाई माउन्टेड एलईडी डीआरएलएस र हाल उपलब्ध क्रेटामा भएको स्प्लिट फ्रन्ट हेडल्याम्प हुने अनुमान गरिएको छ । फ्रन्ट मेन ग्रिल पनि हुनेछ । साथै यसको बम्परमा स्पोर्टी लुक हुनेछ । जसले कारको लुकलाई केही फरक देखाएको छ । नयाँ एसयूभीले ५ सिटर क्रेटाको तुलनामा ज्यादा प्रिमियम लुक दिनेछ । कारको रियरमा नयाँ डिजाइन भएको एलईडी टेललाइट र बम्परको साथमा नयाँ टेलगेट हुनेछ ।

सो एसयूभीको इन्टेरियरमा तेस्रो पंक्तिमा दुई जनाको लागि सिट पनि हुनेछ । सो कारमा २०२० हुन्डाई क्रेटा एसयूभी भन्दा नयाँ फिचर र इक्विपमेन्ट हुनेछ । नयाँ एसयूभीमा ब्लुलाइन कनेक्टेड कार टेक्नोलोजीको साथमा टचस्क्रिन इन्फोटेनमेन्ट सिस्टम, भेन्टिलेटेड सिट, फ्ल्याट बटम स्टेयरिङ ह्विल, ३६० डिग्री क्यामेरा, प्यानोरमिक सनरुफ जस्ता फिचर हुनेछ ।

अल न्यू हुन्डाई ७ सिटर एसयूभीमा ५ सिटर क्रेटा एसयूभीको इन्जिन प्रयोग गरिनेछ । सो कारमा १.५ लिटर पेट्रोल, १.५ लिटर डिजेल र १.४ लिटर जीडीआई टर्बाेचाज्र्ड पेट्रोल समावेश रहेको छ । कारको ट्रान्समिसन विकल्प पनि क्रेटा जस्तो हुने अनुमान गरिएको छ ।