टीभीएसले नयाँ बाइक फिएरो१२५ लन्च गर्ने, यस्तो छ टिजर

सस्तो बाइक निर्माणमा टीभीएस चर्चित कम्पनी हो । कम्पनीको लाइनअपमा रहेको अपाचे रेन्ज युवाहरु माझ निकै लोकप्रिय रहेको छ । हाल सोसल मिडियामा कम्पनीले नयाँ बाइकको टिजर सार्वजनिक गरेको छ । सो टिजरमा बाइकको फ्रन्टमा स्टाइलिस डे टाइम रनिङ लाइट देखिएको छ ।

मिडिया रिपोर्टका अनुसार कम्पनीले सो बाइक फेस्टिभ सिजनमा लन्च गर्ने सम्भावना रहेको छ । रिपोर्टका अनुसार केही समयअघि कम्पनीले वर्षाै पछि फिएरो ब्रान्ड फिर्ता ल्याउने बिचार गरिरहेको दाबी गरेको थियो । जसलाई अहिले १२५ सीसीमा लन्च गर्न सक्ने सम्भावना रहेको छ ।

कम्पनीले गएको वर्ष टीभीएस फिएरो १२५ को लागि ट्रेडमार्क पनि फाइल गराएको थियो । जसको निकै चर्चा चलेको थियो । हाल टीभीएसको सो बाइकसँग प्रतिस्पर्धा गर्नको लागि होन्डा सीबी साइन, एसपी १२५, हिरो ग्ल्यामर र बजाज पल्सर १२५ जस्ता बाइक उपलब्ध छन् ।