हुन्डाईका इलेक्ट्रिक कार किन्न अब ९.९९ प्रतिशत ब्याजदर

काठमाडौं – नेपालका लागि हुन्डाईको आधिकारिक वितरक लक्ष्मी इन्टरकन्टिनेन्टलले विद्युतीय सवारीसाधन कोना र आयोनिक ५ को खरिदमा सस्तो ब्याजदर योजना सार्वजनिक गरेको छ ।

दिगोपन र पर्यावरणमैत्री भविष्यलाई प्रवर्द्धन गर्ने आफ्नो प्रतिबद्धतामा हुन्डाईले प्रभु बैंक लिमिटेडसँग साझेदारी गरि एस्तो योजना ल्याएको बताएको छ ।

यस योजना अन्तर्गत इच्छुक खरिद कर्ताहरूले ९.९९ प्रतिशत ब्याजदरमा (पहिलो वर्ष को लागि) हुन्डाई कोना र आयोनिक ५ खरिद गर्न सक्ने छन् ।

बैंकको ३०१ वटै शाखा बाट छिटो छरितो र सहज ढंगबाट खरिदकर्तालाई यो सेवा उपलब्ध हुनेछ।

विद्युतीय सवारीसाधनमा बढ्दो चासोको गहिरो बुझाइका साथ, कम्पनीले हुन्डाई कोना र आयोनिक ५ लक्षित गरी यो अफर ल्याएको बताएको छ ।

आफ्नो उत्कृष्ट डिजाइन, पर्फोरमंस र विश्वसनीयताका साथ, हुन्डाईले प्रतिस्पर्धी विद्युतीय सवारीको बजारमा छुट्टै पहिचान बनाउन सफल भएको छ ।

हुन्डाई कोना ३ वटा भेरिएन्टमा उपलब्ध छ । कोना एनएसको मूल्य ६० लाख ९६ हजार, कोना जीएलको मूल्य ६१ लाख ९६ हजार र कोना जीएलएसको मूल्य ६४ लाख ९६ हजार रुपैयान् रहेको छ ।

त्यसैगरी आयोनिक ५ जीएलएस भिजन रुफ भेरिएन्टको मूलय १ करोड २ लाख ९६ हजार रुपैयाँ रहेको छ ।