नेपाली सडकमा ५ हजार भन्दा बढी महिन्द्रा स्कोर्पियो पिकअप

नेपाली बजारमा उपलब्ध विभिन्न कम्पनीका पिकअप मध्ये एक हो ‘महिन्द्रा स्कोर्पियो’ पिकअप । फुल अप्सन गाडीको प्रुभन पर्फमेन्स र हाई इन्ड फिचर्सका कारण हाल नेपालका सबै भूभागमा ५ हजार भन्दा बढी महिन्द्रा स्कोर्पियो पिकअप गाडी दौडिरहेका छन् ।

नेपालका लागि महिन्द्राको आधिकारिक वितरक अग्नि इन्कर्पोरेटेड प्रालिले नेपाली जीवनशैली र भौगोलिक हिसाबले उत्तम मानिएको स्कोर्पियो पिकअप विभिन्न भेरिएन्ट र चार कलरमा नेपाली बजारमा उपलब्ध भएको बताएको छ ।

नेपालका अधिकांश बाटोहरु ग्रामीण इलाकामा पर्छन् । त्यस्ता बाटोका लागि कि एसयूभी कि पिकअप उपयुक्त मानिन्छ । अफरोड वा एडभेन्चर यात्राका लागि पिकअप नै उपयोगी हुन्छ । किनकी डबल क्याब पिकअपमा ५ यात्रु सहित सामान राख्नका लागि पछाडिको भागमा ठूलो स्पेस रहेको हुन्छ । महिन्द्राले सिंगल र डबल क्याब दुवै मोडलमा स्कोर्पियो पिकअप उपलब्ध गराइरहेको छ ।

सरकारी तथा गैर सरकारी क्षेत्रमा विश्वसनीय र भरपर्दो मानिएको यो पिकअप उपभोक्ताहरु माझ पनि यसको फोर ह्विल ड्राइभ, अफरोड क्षमता, स्टाइलिश मोडल, उच्च स्तरको विशेषता, शक्तिशाली प्रर्दशन, अधिकतम सुरक्षा र प्रतिस्पर्धी मूल्यका कारण प्राथमिकतामा पर्न सफल भएको पाइन्छ ।

नेपाली बजारमा मात्रै नभई स्कोर्पियोको लोकप्रियता विश्वव्यापी रुपमा ट्युनिसिया, दक्षिण अमेरिका, युरोप, अस्ट्रेलिया, एशिया र अफ्रिकाका धेरै बजारहरूमा समेत कायम रहेको छ ।

स्कोर्पियोको प्लेटफर्ममा बनेको महिन्द्रा पिकअपमा चार सिलिन्डरयुक्त २.२ लिटर टर्बो डिजेल एमहक इन्जिने १४० एचपी पावर र ३२० एनएम टर्क जेनेरेट गर्छ । यसमा भएको २१० एमएमको ग्राउन्ड क्लियरेन्सका साथै फोर ह्विल ड्राइभको मद्दतले नेपालको कुनै पनि कुनामा सहजरुपमा यात्रा गर्न सकिन्छ ।

सुरक्षाका लागि यो पिकअपमा ड्युअल एयरब्याग, एबीएस, रिमोर्ट कन्ट्रोल, सेन्ट्रल लक लगायत विशेषताहरु रहेका छन् । स्कोर्पियो डबलक्याब पिकअप एस ६ र एस १० मा उपलब्ध छ ।

विगत ३ दशक देखि अग्नि इन्कर्पोरेटेड प्रालिले महिन्द्रा स्कोर्पियो देशको सातै प्रदेशमा बिक्री र बिक्री पछि मर्मत सेवाहरू प्रदान गर्दै आएको छ । हाल अग्निको ८० भन्दा बढी नेटवर्क, शोरुम तथा सर्भिस सेन्टरहरु देशभर उपलब्ध छन् ।

कम्पनीले आफ्ना सेवाहरूलाई निरन्तरता दिन र उपभोक्ताहरुलाई लाभ प्रदान गर्न निरन्तर प्रयास गरिरहेको बताएको छ ।