अल्टो के१० वारे जान्नै पर्ने यी ५ तथ्य

मारुती सुजुीकले हालसालै लन्च गरेको नयाँ अल्टो के१० अहिले इन्ट्रि लेभल ह्याचव्याकमा चर्चित वनिरहेको छ । थर्ड जेनेरेशन के१० लाई सुजुकीले हर्टटेक्ट प्लेटफर्ममा निर्माण गरेको हो । यसअघिको के१० वन्द भएको २ वर्षपछि आएको यो नयाँ कार पहिलेको तुलनमा केही ठूलो समेत छ । यो नयाँ कारमा विल्कुलै नयाँ एक्सटेरियर तथा इन्टेरियर डिजाइन र प्रशस्तै आधुनिक फिचर्स दिइएको छ । १ हजार सिसी क्षमताको पेट्रोल इन्जिन जडित यो कारवारे जान्नैपनि ५ तथ्य यसप्रकार छन् ।

अल्टो ८०० भन्दा महंगो तर एस–प्रेसो भन्दा सस्तो
मूल्यका हिसावले यो नयाँ कार अल्टो ८०० भन्दा महंगो तर एस–प्रेसोको तुलनमा केही सस्तो छ । ४ लाख भारुदेखी शुरु हुने यसको टप भेरियन्ट भिएक्सआई प्लस एएमटीको मूल्य ५ लाख ८४ हजार भारु निर्धारण गरिएको छ । जवकी अल्टो ८०० लाई मारुतीले ३ लाख ३९ हजारदेखी ४ लाख ४५ हजार भारुसम्म विक्री गर्दै आइरहेको छ । एस–प्रेसोको मूल्य भने ४ लाख २५ हजारदेखी ६ लाख रुपैयाँसम्म निर्धारण गरिएको छ । मूल्यका हिसावले यो नयाँ कारको प्रतिस्पर्धा अल्टो ८०० र एस–प्रेसोसंगै हुने देखिन्छ ।

सिलेरियोबाट प्रेरित लुक्स
यो नयाँ कारलाई सुजुकीले सिलेरियोबाट प्रेरित भई निर्माण गरेको लुक्सवाटै प्रष्ट हुन्छ । यसमा दिइएको हेडल्याम्प, ग्रिल र फ्रन्ट वम्पर सिलेरियोसंग मिल्दोजुल्दो छ भने पछाडीबाट हेर्दासमेत सिलेरियोकै झल्को दिन्छ । यो कारमा हवक्याप सहितको १३ इन्च स्टिल ह्विल दिइएको छ ।

नयाँ डिजाइनको ड्यासवोर्ड र अतिरिक्त फिचर्स
अपराइट डिजाइन ड्यासवोर्ड दिइएको यो कारमा सेलिरियो र एस–प्रेसोमै दिइएको ७ इन्चको इन्फोटेन्मेन्ट सिस्टम जडान गरिएको छ । साथै स्क्रिनको दुवै साइडमा सिल्भर एसेन्ट समेत रहेको देख्न सकिन्छ । यो कारमा उपलब्ध स्विच गियरजस्तै देखिने स्टेरिङ ह्विल, कन्ट्रो स्टल्क्स, इन्टेरियर डोर ह्यान्डल र साइड एसी भेन्ट सेलिरियोबाट लिइएको हो । स्क्रिन मुनि रहेको फ्रन्ट पावर विन्डो वटन समेत सिलेरियो र एस–प्रोसोको जस्तै देखिन्छ ।

यो नयाँ कारमा एप्पल कार प्ले एवं एन्ड्रोइड अटो, स्टेरिङ माउन्टेड अटो कन्ट्रोल र फोर स्पिकर साउन्ड सिस्टम समेत उपलब्ध छ । सेफ्टिका लागी डुअल एयरव्याग, एविएस र फ्रन्ट सिट वेल्ट प्रिटेन्सनर पनि दिइएको छ ।

के१० सी पेट्रोल इन्जिन
इन्जिनको कुरा गर्नुपर्दा यसमा मारुती सुजुकीले विकास गरेको १.० के१० सी पेट्रोल इन्जिन जडान गरिएको छ । जसको अधिकतम पावर एस–प्रोसो र सिलेरियोको जत्ति नै अर्थात ६७ एचपी र टर्क ९० एनएम रहेको छ । यो ५ स्पिड म्यानुअल र अटोमेटिक दुवै अप्नसमा उपलब्ध छ । इन्जिन स्टार्ट÷स्टप र डुअल जेट इन्जिका कारण यो यसअघिको मोडलभन्दा निकै नै वढि इन्धन किफायती समेत रहेको छ । यो कारले १ लिटर पेट्रोलको खपतमा २५ किलोमिटरसम्म माइलेज प्रदान गर्ने दावी छ ।

रेनो क्विड र ए–सप्रेसो संग सिधा प्रतिस्पर्धा
यो नयाँ कारको सिधा प्रतिस्पर्धा रेनो क्विसंग हुने देखिएको छ । इन्जिन, पावर तथा पर्फमेन्स, मूल्य र फिचर्सका आधारमा भने यसले आफ्नै ब्रान्डको एस–प्रेसो र अल्टो ८०० संग समेत प्रतिस्पर्धा हुनेछ ।