केटीएम मोटरसाइकलमा अव ४ वर्षको स्ट्यान्डर्ड वारेन्टि

काठमाडौं–केटीएमले आफ्ना प्राय सबैजसो मोटरसाइकलमा अव ४ वर्षको स्ट्यान्डर्ड वारेन्टि प्रदान गर्ने घोषणा गरेको छ । वारेन्टि ट्रयाक र डर्ट बाहेक सबै रोड लिगल मोडलमा उपलब्ध हुने जनाइएको छ ।

केटीएमले एडभेन्चर, डुअल स्पोर्ट, नेकेड, सुपरस्पोर्ट, स्पोट्र्स टुरर र सुपरमोटो सहित धेरै सेग्मेन्टका मोटरसाइकलमा यस्तो वारेन्टि उपलब्ध गराउने घोषणा गरेको हो ।

केटीएमसंग हाल भारतीय बजार लक्षित १२५ सीसीदेखि १,३५० सीसी सम्मका बाइक उपलब्ध छन् । यी बाइकमा यसअघि २ वर्षको मात्रै स्ट्यान्डर्ड वारेन्टि प्रदान गरिँदै आइएको थियो ।

भारतीय बजारमा लागु हुने यस वारेन्टि सुबिधाको लाभ अवको केही समयपछि नेपाली उपभोक्ताले समेत पाउने अपेक्षा गर्न सकिन्छ ।

नेपाली बजारमा केटीएम ड्युक २०० देखी ३९० एड्भेन्चर आरसम्मका मोडल उपलब्ध छन् । यी बाइकको मूल्य ६ लाखदेखी १० लाख ७५ हजार रुपैयाँसम्म पर्छ ।