५ स्टार सेफ्टी रेटिङसहित २०२६ मारुती सुजुकी ब्रेजा फेसलिफ्ट लन्च

मारुती सुजुकीले भारतमा २०२६ ब्रेजा फेसलिफ्ट आधिकारिक रूपमा लन्च गरेको छ। कम्पनीले यसको मूल्य ७ लाख ३९ हजार ९ सय भारु तोकेको छ ।  सो एसयूभीले भारत एनक्याप क्र्यास टेस्टमा ५ स्टार सेफ्टी मूल्याङ्कन प्राप्त गरेको छ ।

नयाँ ब्रेजाको एक्सटेरियर पुरानो मोडलसँग मिल्दोजुल्दो देखिन्छ । यसको फ्रन्टमा नयाँ डिजाइनको ग्रिल, परिमार्जित हेडलाइट, नयाँ बम्पर र ट्रायंगल हाउजिङ फगल्याम्प दिइएको छ। साथै, नयाँ १६ इन्चका अलोय ह्विलले गाडीलाई थप आकर्षक बनाएको छ । यसको साइड प्रोफाइल पनि पुरानो मोडलकै जस्तै राखिएको छ।

नयाँ ब्रेजा फेसलिफ्टमा १.५ लिटरको नेचुरली एस्पिरेटेड पेट्रोल इन्जिनलाई सिएनजी विकल्पसहित उपलब्ध गराएको छ । यसपटक सिएनजी भेरिएन्टमा अन्डरबडी ट्याङ्क राखिएकाले बुट स्पेस अघिल्लोभन्दा बढी उपलब्ध हुने कम्पनीको दाबी छ। साथै पहिलो पटक १.० लिटरको टर्बो पेट्रोल इन्जिन र ६ स्पिड म्यानुअल गियरबक्स पनि उपलब्ध गराइएको छ।

यसको १.५ लिटरको पेट्रोल इन्जिनले १०२ हर्सपावर र १३९ एनएमको टर्क उत्पादन गर्छ भने १.० लिटरको टर्बो पेट्रोल इन्जिनले ११० हर्सपावर र १७० एनएमको टर्क उत्पादन गर्छ ।

गाडीको क्याबिन कालो र खैरो रङले सजावट गरिएको छ। यसमा नयाँ १०.१ इन्चको इन्फोटेनमेन्ट टचस्क्रिन, डिजिटल इन्स्ट्रयुमेन्ट क्लस्टर र हेड-अप डिस्प्ले जस्ता आधुनिक प्रविधि समावेश गरिएको छ। यसमा वायरलेस मोबाइल चार्जर, भेन्टिलेटेट र पावर्ड फ्रन्ट सिट, अटोमेटिक क्लाइमेट कन्ट्रोल, एयर प्युरिफायर, आईआरभीएम र एडजस्टेबल स्टेयरिङ जस्ता फिचर समावेश गरिएको छ ।

सेफ्टीका लागि यसमा ६ वटा एयरब्याग, ३६० डिग्री क्यामेरा, ब्लाइन्ड स्पट मनिटरिङ सिस्टम, हिल डिसेन्ट कन्ट्रोल, इलेक्ट्रोनिक स्टेबिलिटी कन्ट्रोल र आईएसओफिक्स चाइल्ड सिट माउन्ट जस्ता फिचर समावेश गरिएको छ।