इन्जिन र ग्राफिक्स अपडेट भएर आयो होन्डा साइन १२५

होन्डाले साइन १०० को २०२५ संस्करण लन्च गरेको छ । ६८ हजार ७६७ रुपैयाँ निर्धारण गरिएको सो नयाँ संस्करणमा कम्पनीले ग्राफिक्ससहित थप केही फिचर अपडेट गरेको छ ।

यसमा ट्विन–पड इन्स्ट्रुमेन्ट कन्सोल, सिंगल–पीस सिट र स्लिक मफलर सहितको साधारण काउल राखिएको छ । बाइक पाँच कलर अप्सनमा छनोट गर्न सकिन्छ ।

शाइन १०० को अगाडि टेलिस्कोपिक फोर्क र पछाडि डुअल शक एब्जर्भर सहितको डायमन्ड–टाईप फ्रेम उपलब्ध छ । दुबै चकमा ड्रम ब्रेक राखिएको यस मोटरसाइकलमा कम्वाइन्ड ब्रेकिङ सिस्टम पाउन सकिन्छ ।

होन्डाले यसमा ओबीडि२बी कम्प्लायन्ट ९८.९८ सीसी, सिंगल–सिलिन्डर, एयर–कूल्ड इन्जिन उपलब्ध गराएको छ । ४ स्पिड गियर वक्ससंग जोडिएको उक्त इन्जिनले ७.२८ बीएचपी पावर र ८.०४ एनएम टर्क जेनेरट गर्दछ ।

होन्डा साइनको यस नयाँ संस्करण आगामी दिनमा नेपाली बजारमा समेत उपलब्ध हुनेछ ।