याडियाको नयाँ वर्ष अफर, शून्य प्रतिशत ब्याजदरमा स्कुटर किन्न पाइने

काठमाडौं–याडिया स्कुटरको नेपालका लागि आधिकारिक वितरक कुजु नेपाल प्रालिले नयाँ वर्षको अवसरमा आकर्षक अफर घोषणा गरेको छ । उक्त अफरअन्तर्गत किस्तावन्दिमा स्कुटर किन्ने ग्राहकले शून्य प्रतिशत ब्याजदरको सुबधा पाउनेछन् ।

साथै, प्रत्येक खरिदमा आकर्षक गिफ्ट ह्याम्पर पनि प्रदान गरिने कम्पनीले जनाएको छ । वैशाख महिनाभर लागु हुने यस अफरले ग्राहकलाई सीमित समयका लागि सहज किस्ता सुविधा र थप लाभ लिने अवसर प्रदान गरेको छ ।

नेपालभर विद्युतीय सवारी साधनप्रति बढ्दो चासोको बीच, यस योजनाले सुरुवाती लागत जस्ता मुख्य अवरोधलाई सम्बोधन गर्दै बढीभन्दा बढी ग्राहकलाई विद्युतीय मोबिलिटीतर्फ आकर्षित गर्ने लक्ष्य राखेको छ ।

कम्पनीका अनुसार, विश्वमै लगातार नौ वर्षदेखि नम्बर १ विद्युतीय दुईपाङ्ग्रे ब्रान्डको रूपमा स्थापित याडियाले नेपालमा आफ्नो उपस्थितिलाई अझ मजबुत बनाउँदै आएको छ । भरपर्दोपन, उन्नत ब्याट्री प्रविधि र दैनिक प्रयोगमा सहजतामा केन्द्रित यस ब्रान्डले देशभर सकारात्मक गति हासिल गरिरहेको छ ।