२०२२ हुन्डाई क्रेटाको अफिसियल टिजर जारी, अब क्रेटामा यी थप ५ परिवर्तन हुने सम्भावना

दक्षिण कोरियाली कार निर्माता कम्पनी हुन्डाईको सबैभन्दा बढी बिक्री हुने मोडल हो क्रेटा । कम्पनीले नोभेम्बर २०२१ मा सो मिड साइज एसयूभीको अपडेट भर्सन ल्याउने भएको छ । यद्यपि लन्चिङ भन्दा पहिला नै कम्पनीले कारको इन्टेरियर र एक्सटेरियरको फोटो जारी गरेको छ । रिपोर्टका अनुसार २०२२ हुन्डाई क्रेटा फेसलिफ्ट मोडल सबैभन्दा पहिले इन्डोनेसियामा लन्च हुनेछ । यसपछि यो भारतमा २०२२ मा लन्च गरिनेछ । नेपालमा पनि २०२२ मा आउन सक्छ ।

टुसानबाट प्रभावित फ्रन्ट फेस
नयाँ हुन्डाई क्रेटा २०२२ को फ्रन्टको लुक नेक्स्ट जेनेरेशन टुसानबाट प्रभावित हुनेछ । हुन्डाईको आकर्षक स्पोर्टी डिजाइनको साथमा नयाँ डिजाइन गरिएको प्यारामिट्रिक ग्रिलले यसलाई नयाँ रूप दिनेछ । पुरानो मोडलको तुलनामा नयाँ मोडलमा अलि चौडा आकारको हेडल्याम्प युनिट हुनेछ । यसको एलईडी डिआरएल नयाँ टुसानबाट लिइएको छ । नयाँ क्रेटा फेसलिफ्टमा नयाँ बम्पर, नयाँ फक्स स्किड प्लेट र फग ल्याम्प, नयाँ डिजाइन गरिएको अलोय ह्वील र स्प्लिट टेलल्याम्प समावेश गर्ने सम्भावना रहेको छ ।

सार्पर रियर फेसिया
नयाँ हुन्डाई क्रेटाको पछिल्लो भाग समेत एंगुलर अपिलमा उपलब्ध छ । रिडिजाइन गरिएको बुटलिड सहित यसमा अझै सार्प टेलल्याम्प छ । समग्रमा अझै सार्प डिजाइन सहितको रियर फेसिया यसमा उपलब्ध छ ।

थप फिचर लिस्ट
२०२२ हुन्डाई क्रेटा फेसलिफ्ट मोडलको इन्टेरियर लेआउटमा कुनै परिवर्तन हुनेछैन । तर यसमा विभिन्न नयाँ फिचर समावेश हुनेछ । नयाँ मोडलमा हेड अप युनिट, ३६० डिग्री क्यामेरा र एडीएएस सहित केही एड्भान्स सुविधा समावेश गर्नेछ । अन्य फिचर भने वर्तमान मोडलमा जस्तै हुनेछ ।

इन्जिन र ट्रान्समिसन
इन्डोनेसियामा नयाँ हुन्डाई क्रेटा २०२२ मा १.५ लिटर पेट्रोल इन्जिनको साथ पेश गर्ने अपेक्षा गरिएको छ । एसयूभीमा १.५ लिटर नेचुरली एस्पिरेटेड पेट्रोल, १.४ लिटर टर्बो पेट्रोल र १.५ लिटर टर्बो डिजेल इन्जिन विकल्पको साथ आउने सम्भावना रहेको छ । नेचुरली एस्पिरेटेड पेट्रोल इन्जिन ११५ बीएचपीको पावर र १४४ एनएमको टर्क जेनेरेट गर्छ । जबकी टर्बो पेट्रोल इन्जिनले १४० बीएचपीको पावर र २४२ एनएमको टर्क जेनेरेट गर्छ । १.५ लिटर डिजेल इन्जिनले ११५ बीएचपीको पावर र २५० एनएमको टर्क जेनेरेट गर्छ ।

वर्तमान मोडलमा जस्तै २०२२ हुन्डाई क्रेटा फेसलिफ्ट टर्बो पेट्रोल भेरिएन्टमा ७ स्पिड डीसीटी अटोमेटिक गियरबक्स मात्र उपलब्ध हुनेछ । एसयूभी मोडल लाइनअप ६ स्पिड म्यानुअल, ६ स्पिड टर्क कन्भर्टर अटोमेटिक गियरबक्स विकल्पको साथमा उपलब्ध हुनेछ ।

इन्जिनको वारेमा विस्तृत जानकारी नभए पनि यसमा अपडेट गरिएको पेट्रोल इन्जिन माइल्ड–हाइब्रिड टेक्नोलोजी सहितको हुन सक्छ । यसबाट नयाँ क्रेटा अझै पर्फमेन्सयुक्त हुन सक्ने छ ।

आईएमटीको प्रवेश
अर्को थप सुविधा भनेको आईएमटी गियरबक्स हुनेछ, जुन हुन्डाईले पहिलो पटक भेन्युमा प्रयोग गरेको थियो । उक्त क्लचलेस म्यानुअल गियरबक्स अब हुन्डाई क्रेटामा समेत उपलब्ध हुन सक्ने छ ।