२०२१ फक्सवागन टाइगुनको उत्पादन भारतमा सुरु, नेपालमा पनि आउने

भारतीय बजारमा २०२१ फक्सवागन टाइगुन लन्च गर्ने तयारी अवस्थामा रहेको छ । फक्सवागन इन्डियाले नयाँ कम्प्याक्ट एसयूभीको प्रोडक्शन सुरु गरेको छ । नयाँ टाइगुन पुणेमा स्कोडा अटो फक्सवागन इन्डियाको चाकन प्लान्टबाट रोल आउट गरिएको छ ।

सो कारको उत्पादन सुरु भइसकेपछि २०२१ फक्सवागन टाइगुन सेप्टेम्बरको तेस्रो हप्तामा भारतमा लन्च गर्नेछ । नेपालमा फक्सवागनको आधिकारिक वितरक पूजा इन्टरनेसनलले पनि तुरुन्तै यो कार नेपालमा उपलब्ध गराउने बताएको छ । एमक्युबी–एओ–ईन प्लेटफर्ममा निर्माण गरिएको यो भारतमा जर्मन भेइकल निर्माताको पहिलो कार हुनेछ ।

२०२१ फक्सवागन टाइगुन २ टर्बाेचार्ज्ड पेट्रोल इन्जिन १ लिटर टीएसआई र १.५ लिटर टीएसआई साथमा लन्च हुने सम्भावना छ । रिपोर्टका अनुसार १ लिटर टीएसआई इन्जिनले ११३ बीएचपीको पावर र १७५ एनएमको टर्क जेनेरेट गर्छ । साथै १.५ लिटर टीएसआई इन्जिनले १४८ बीएचपीको अधिकतम पावर र २५० एनएमको टर्क जेनेरेट गर्छ ।

सो कारको १ लिटर टीएसआई इन्जिनमा ६ स्पिड म्यानुअल ट्रान्समिसन समावेश गरिएको छ । यसको साथै यसमा ६ स्पिड अटोमेटिक ट्रान्समिसनको विकल्प पनि रहेको छ । सो कारको १.५ लिटर टीएसआई इन्जिनमा ६ स्पिड म्यानुअलको साथमा ७ स्पिड डीएसजीको विकल्प रहेको छ ।