यस्तो छ नयाँ फिचर र स्टाइलिस लुकमा उपलब्ध २०२१ फक्सवागन पोलो

फक्सवागनले छैटौं जेनेरेसन फक्सवागन पोलो फेसलिफ्ट कार अन्तर्राष्ट्रिय बजारमा सार्वजनिक गरेको छ । यसको लुक निकै स्टाइलिस रहेको छ । सो कारमा आईडी३ डिजाइन एलिमेन्ट्सको प्रयोग गरिएको छ ।

नयाँ फक्सवागन पोलोमा नयाँ ड्युअल बिम हेडलाइट एलईडी डीआरएल स्ट्रिप ग्रिलमा प्रदान गरिएको छ । साथै यसको अलोय ह्वील पनि नयाँ डिजाइनमा समावेश गरिएको छ । यसको फ्रन्टमा पनि केही परिवर्तन गरिएको छ । यद्यपि रियरमा नयाँ स्प्लिट एलईडी टेललाइट प्रयोग गरिएको छ ।

सो कारको इन्टेरियरमा केही परिवर्तन गरिएको छ । सो कारमा नयाँ फ्ल्याट बटम स्टेयरिङ ह्वील र ठूलो ९.२ इन्चको इन्फोटेनमेन्ट सिस्टमको विकल्प रहेको छ । यद्यपि यसमा ६.५ इन्च यूनिट स्ट्यान्डर्ड रहेको छ ।

सो कारमा ड्राइभर असिस्टेन्स फिचर, एड्भान्स कनेक्टेड टेक्नोलोजी, डुअल जोन क्लाइमेट कन्ट्रोल, क्रुजर कन्ट्रोल, वायरलेस चार्जिङ, किलेस एन्ट्री, पुस–बटन स्टार्ट फिचर रहेको छ । सो कारको टप स्पिड २१० किलोमिटर प्रति घन्टा रहेको छ ।

फक्सवागन पोलो फेसलिफ्टमा १.० लिटरको ३ सिलिन्डर भएको नेचुरली एस्पिरेटेड पेट्रोल इन्जिन समावेश गरिएको छ । यसको साथै सो कारमा टीएसआई टर्बाे पेट्रोल इन्जिनको पनि विकल्प रहेको छ । सो कारको इन्जिनले ७९ बीएचपी र १०७.५ बीएचपीको अधिकतम पावर जेनेरेट गर्छ । सो कारमा म्यानुअल ट्रान्समिसनको साथमा ड्युल क्लच अटोमेटिक ट्रान्समिसनको विकल्प रहेको छ ।

सो कार भारतमा कहिले लन्च हुन्छ भन्ने जानकारी कम्पनीले दिएको छैन । साथै भारतीय स्पेसिफिकेशनमा परिवर्तन हुन्छ कि हुँदैन भन्ने जानकारी दिइएको छैन । नेपाली बजारमा पनि कहिले आउछ भनेर अहिले नै भन्न सकिदैन ।