१९ सिटर किङलङ ईभी भ्यानको मूल्य ७८ लाख, खुल्यो बुकिङ

काठमाडौं – नेपालका लागि किङलङको आधिकारिक वितरक सीजी मोटर्सले १९ सिटे ईभी भ्यान अर्थात माइक्रोबसको बुकिङ खुलाएको छ । सीजीले यसअघि किङलङको १४ सिटे माइक्रोभ्यान बिक्री गर्दै आएको थियो ।

नयाँ १९ सिटे ईभी भ्यानको लम्बाइ ५९९८ एमएम, चौडाइ १८८५ एमएम र उचाइ २२८५ एमएम रहेको छ । यसमा ७७.२८ किलोवाट आवरको सीएटीएल ब्याट्रीप्याक रहेको छ, जसले सिंगल चार्जमा ३०० किलोमिटर सम्मको रेन्ज दिने कम्पनीको भनाइ छ । यसमा ९० किलोवाटको मोटर जडान भएको छ भने ग्राउन्ड क्लियरेन्स २२० एमएमको रहेकोे छ ।

यसमा एबीएस, एमपी५, रिभर्स भ्यु क्यामेरा, बजर सहितको रिभर्स पार्किङ सेन्सर, एभीएएस, सेन्ट्रल लकिङ, एसी लगायतका विभिन्न फिचर उपलब्ध छन् ।

सो ईभ भ्यानमा कम्पनीले ४ लाख किलोमिटर वा ७ वर्ष सम्मको मोटर तथा ब्याट्री रिप्लेसमेन्ट वारेन्टी दिएको छ । कम्पनीले १९ सिटे किङलङ इलेक्ट्रिक ईभी भ्यानको मूल्य ७८ लाख रुपैयाँ तोकेको छ ।